बलात्कार करून पळणाऱ्या गुन्हेगारास तासाभरातच अटक!

नाशिक : गुन्हेगाराची (Criminal) प्रवृत्ती असली की त्याच्या मनातील प्रवृत्ती उचल खातेच. याचा प्रत्यय नाशिक शहराला (Nasik city) आला आहे. खुनाच्या (Murder) गुन्ह्यातील आरोपीला (Accuse) शिक्षा झाल्यावर चांगल्या वर्तणुकीची हमी देत पॅरोल (Parol) मिळताच, बाहेर येऊन त्याने बलात्काराचा गुन्हा केला. या घटनेने शहरात खळबळ उडाली आहे.

दरम्यान या घटनेची पोलिसांनी देखील अतिशय गंभीर दखल घेतली. पोलिस आयुक्त दीपक पांडे यांनी याबाबत स्वतः लक्ष घातले. त्यामुळे सबंध शहरात नाकेबंदी करण्यात आली. संबंधीत आरोपी शहर साडून पळून जाण्याचा प्रयत्नात होता. त्याचा हा प्रयत्न यशस्वी होण्याआधीच संशयीत नितीन पवार यास मध्यवर्ती गुन्हे शाखेचे पोलिस निरीक्षक कुंदन जाधव व त्यांच्या सहकाऱ्यांनी त्याला अटक केली.

राज्यात सध्या विविध शहरात असे प्रकार घडत आहे. त्यावरून मोठ्या प्रामणात राजकारण देखील होत आहे. त्याचा आधीच पोलिस यंत्रणेवर दबाव असताना ही घटना घडली. त्यामुळे त्याच्या प्रतिक्रीया उमटल्या.

खुनाच्या गुन्ह्यात शिक्षा भोगत असलेल्या आणि सध्या पॅरोलवर बाहेर आलेल्या गुन्हेगाराने सिडकोतील श्रीरामनगर येथील एका ब्युटी पार्लरमध्ये घुसून चाकूचा धाक दाखवत ३० वर्षीय महिलेवर बलात्कार केला. या धक्कादायक घटनेमुळे संपूर्ण परिसरात खळबळ उडाली असून, नागरिकांमध्ये संतापाची लाट उसळली आहे.

याप्रकरणी अंबड पोलीस ठाण्यात गुन्हा दाखल झाला आहे. या घटनेची माहिती मिळताच पोलीस आयुक्त दीपक पांडे यांनी अंबड पोलीस ठाण्यास भेट दिली. या घटनेनंतर आरोपी फरारी झाला आहे. २०१३ मध्ये दोन महिलांचा धारदार शस्त्राने वार करत खून केल्याप्रकरणी नितीन सुभाष पवार (वय ३२) याला न्यायालयाने जन्मठेपेची शिक्षा सुनावली होती. तेव्हापासून तो कारागृहात होता. मात्र, करोना काळात पॅरोलवर बाहेर आल्याने पुन्हा एकदा त्याने शस्त्राचा धाक दाखवत महिलेवर बलात्कार केल्याचे पोलिसांनी सांगितले.

...