Shivsena News; शिवसेनेच्या बालेकिल्ल्यात शिंदे गटाकडून लाडूवाटप!

नाशिक : शिवसेनेच्या (Shivsena) एकनाथ शिंदे (Eknath Shinde) गटाकडून काल धर्मवीर (कै.) आनंद दिघे (Anand Dighe) यांची ७१ वी जयंती साजरी करण्यात आली. यावेळी थेट शिवसेना नेते (Uddhav Thackrey) व माजी महापौर विनायक पांडे (Vinayak Pande) यांचा प्रभाग व शिवसेनेचा बालेकिल्ला असलेल्या भद्रकाली (Nashik) परिसरात लाडू वाटप करण्यात आले. हा कार्यक्रम सामान्य असला तरी शिवसेनेच्या बालेकिल्ल्यात झाल्याने तो चर्चेचा विषय ठरला. (Eknath Shinde Group take a programme in Shivsena pocket of the city)

धर्मवीर स्व. आनंद दिघे यांच्या ७१ व्या जयंती निमित्त दामोदर थिएटर, भद्रकाली या जुने नाशिक भागातील शिवसेनेच्या बालेकिल्ल्यात ७१ किलो लाडू वाटप करण्यात आले. या भागातील कार्यकर्ते उपमहानगरप्रमुख अक्षय कलंत्री, संघटक विनोद थोरात, विभाग प्रमुख तेजस कर्पे, उपविभाग प्रमुख नितिन लासुरे यांनी हा कार्यक्रम आयोजित केला होता.

भद्रकाली हे माजी महापौर विनायक पांडे यांचे कार्यक्षेत्र व प्रभाग आहे. श्री. पांडे यांना माननारा मोठा वर्ग आहे. त्यांच्या माध्यमातून या भागात सातत्याने विविध उफक्रम राबविले जातात. श्री. पांडे यांनी शिवसेनेचे नगरसेवक म्हणून चार वेळा या प्रभागाचे प्रतिनिधीत्व केले आहे. त्यांच्या माध्यमातून हा शिवसेनेचा बालेकिल्ला आहे. सध्या श्री. पांडे यांचे चिरंजीव या प्रभागातून संभाव्य उमेदवार आहेत. त्यामुळे श्री. पांडे यांनी मतदारांशी संपर्क वाढविला आहे. त्यामुळे शिंदे गटाने येथे कार्यक्रम केल्याने तो चर्चेचा विषय ठरला.

याप्रसंगी जिल्हाप्रमुख अजय बोरस्ते, महानगरप्रमुख प्रविण (बंटी) तिदमे, शिवाजी भोर, महिला आघाडीच्या जिल्हाप्रमुख लक्ष्मीताई ताठे, दिगंबर नाडे, शरद नामपुरकर, सुधाकर जाधव आदी उपस्थित होते.