Chandrapur Cooperative Bank election : चंद्रपूर जिल्हा सहकारी बँकेत काँग्रेस महाविकास आघाडीने विजय मिळवला. भाजपचा पराभव झाला असला, तरी बँकेत सत्तास्थापनेचा दावा केला आहे. ही निवडणूक तब्बल 13 वर्षानंतर चंद्रपूर बँकेतील 21 संचालक पदाच्या निवडणूक झाली.
यात काँग्रेसचे 12, शिवसेना उद्धव बाळासाहेब ठाकरे सेना पक्षाचा अन् राष्ट्रवादी काँग्रेस पार्टी शरदचंद्र पवार पक्षाचा प्रत्येकी एक, असे महाविकास आघाडीचे 14 संचालक निवडून आले आहेत. भाजपचे सात संचालक निवडून आले आहेत.
चंद्रपूर जिल्हा सहकारी बँकेत बहुमतासाठी 11 सदस्यांची गरज असून, हा आकडा काँग्रेस (Congress) महाविकास आघाडीने मिळवला आहे. यामुळे बँकेचा होणारा अध्यक्ष काँग्रेसचा असण्याची शक्यता व्यक्त केली जाते. या निवडणुकीच्या निमित्ताने आमदार विजय वडेट्टीवार आणि खासदार प्रतिभा धानोरकर हे एकमेकांचे विरोधक एकत्र आले होते.
वडेट्टीवार आणि धानेरकर यांच्या नेतृत्वाने चंद्रपूर जिल्हा सहकारी बँकेत काँग्रेस अन् महविकास आघाडीला फायदा झाला. हाच प्रयोग स्थानिक स्वराज्य संस्थांच्या निवडणुकीत दोघा नेत्यांना चंद्रपूर (Chnadrapur) जिल्ह्यासह विदर्भात यशस्वी करावा, अशी चर्चा काँग्रेस पदाधिकारी, कार्यकर्त्यांमध्ये जोरात आहे.
खासदार धानोरकर या निवडणुकीत बिनविरोध निवडून आल्या आहेत. त्यामुळे अध्यक्ष कोण होणार, याकडे राजकीय वर्तुळाचे लक्ष लागले आहे. दरम्यान, आज निकाल जाहीर होताच विजयी उमेदवारांनी फटाक्यांची आतषबाजी करीत मोठा जल्लोष केला.
भाजपनेही जिल्हा सहकारी बँकेच्या निवडणुकीत आपली कामगिरी सुधारत सात संचालक निवडून आणले. हे मोठे यश असून, भाजपने बहुमताचा दावा केला. यामुळे अध्यक्ष अन् उपाध्यक्ष पदाच्या निवडीवेळी संचालकांच्या पळवापळवीच्या खेळाला सुरवात होण्याची चिन्हे दिसू लागली आहेत.
भाजपने ही निवडणूक प्रतिष्ठेची केली होती. तशी मोर्चेबांधणी देखील पक्की केली होती. आमदार कीर्ती भांगडिया आणि आमदार किशोर जोरगेवार हे दोघेही निवडणुकीच्या मैदानात सक्रिय होते. काँग्रेस अन् भाजपच्या दोन्ही बाजूने विजयाबाबत दावा केला जात होता. निवडणुकीच्या सुरवातीला 13 जागा बिनविरोध झाल्या होत्या. आठ जागांसाठी टक्करची निवडणूक झाली.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.