Amit Thackeray : अमित ठाकरेंना पाहिले अन् जय मोलोकारच्या वडिलांचा अश्रूंचा बांध फुटला!

योगेश फरपट

Amit Thackeray News : महाराष्ट्र नवनिर्माण सेनेचे अध्यक्ष राज ठाकरे यांचे सुपुत्र अमित ठाकरे यांनी जय मालोकार यांच्या कुटुंबीयांची आज (गुरुवारी) भेट घेतली. या भेटीत मुलाच्या आठवणीत जय मोलोकारचे वडीलांना अश्रू अनावर झाले होते.

तीन दिवसांपूर्वी मनसे आणि राष्ट्रवादीच्या कार्यकर्त्यांमध्ये राडा झाला होता. मनसे पदाधिकारी जय मालोकर याने अमोल मिटकरी यांच्या गाडीवर हल्ला केल्यानंतर त्याला अस्वस्थ वाटत होते. जय रुग्णालयात दाखल केले होते. मात्र उपचारादरम्यान हृदयविकाराच्या झटक्याने त्याचा मृत्यू झाला होता.

आमदार अमोल मिटकरी यांनी राज ठाकरे यांना मालोकार कुटूंबाची भेट घेण्याचे आवाहन केले होते. दरम्यान गुरुवारी राज ठाकरे यांचे सुपुत्र अमित ठाकरे यांनी पक्षाचे दौरे रद्द करीत अकोल्यात आले होते.त्यांनी अकोला येथे दुपारी पोहचून मनसे पदाधिकाऱ्यांसोबत आधी चर्चा केली. त्यानंतर जय मालोकार यांच्या गावी निंबी मालोकार येथे जयचे वडीव श्रीकृष्ण मालोकार यांची भेट घेत मालोकार कुटुंबीयांचे सात्वंवन केले.

यावेळी मालोकार यांच्या कुटूंबातील सदस्यांसह अकोला जिल्हा मनसे जिल्हाध्यक्ष राजेश काळे, पंकज साबळे, विजय मालोकार, सौरभ भगत, सतीष फाले आदी पदाधिकारी उपस्थित होते.

राजकारण करायला आलो नाही!

अमित ठाकरे यांनी अकोला दौऱ्या दरम्यान माध्यमांशी बोलायचे टाळले. मात्र माध्यमांनी त्यांना निंबी मालोकार येथे गाठून दोन दिवसातील घडामोडीवर प्रश्न विचारले. तेव्हा त्यांनी 'मी येथे राजकारण करायला आलो नसून माझ्या कार्यकर्त्याच्या कुटूंबीयांच्या भेटीला आलो आहे. त्यांचे दुःख मी माझे समजतो. भविष्यात नक्कीच बोलेल', अशी प्रतिक्रिया दिली.

मनसे आमच्या पाठीशी

अमित ठाकरे यांनी भेट घेतली. मनसे पदाधिकारी आमच्या पाठीशी आहे याचे समाधान आहे. माझ्या भावाच्या मृत्यूची चौकशी केली जाईल. स्वतः लक्ष घालून दोषींवर निश्चित कारवाई केली जाईल असे आश्वासन अमित ठाकरे यांनी दिले तसेच आर्थिक मदत केल्याचे जयचा भाऊ विजय मालोकार यांनी सांगितले.