Nagpur News, 21 Sep : मराठा आंदोलक मनोज जरांगे पाटील यांची हैद्राबाद गॅझेट लागू करण्याची मागणी राज्य सरकारने मान्य केल्यामुळे ओबीसी समाजील काही नेत्यांनी आक्रमक भूमिका घेत सरकारचा हा निर्णय ओबीसींवर अन्याय करणारा असल्याचं म्हटलं आहे.
त्यामुळे राज्यातील राजकीय आणि सामजिक वातावारण आरक्षणाच्या मुद्द्यावरून चांगलंच तापल्याचं पाहायला मिळत आहे. अशातच आता भाजपचे ज्येष्ठ नेते आणि केंद्रीय मंत्री नितीन गडकरी यांनी आरक्षणा संदर्भात मोठं वक्तव्य केलं आहे.
ब्राह्मण समाजाला आरक्षण नाही यासाठी मी परमेश्वराचे सर्वात मोठे उपकार मानतो. एखादा माणूस त्याच्या जातीमुळे नव्हे तर कर्तृत्त्वामुळे आणि गुणांमुळे मोठा होतो असं गडकरी यांनी म्हटलं आहे. ते नागपुरातील हलबा महासंघाच्या कार्यक्रमात बोलत होते.
या कार्यक्रमात बोलताना नितीन गडकरी म्हणाले, 'मी ब्राह्मण जातीचा आहे आणि आमच्यावर परमेश्वराने सर्वात जास्त काय उपकार केले असतील तर ते म्हणजे आम्हाला आरक्षण नाही. महाराष्ट्रात बामणांना फार महत्त्व नाही. पण उत्तर प्रदेश, बिहारमध्ये त्यांना खूप महत्त्व आहे.
इकडे मराठा जातीचे महत्त्व आहे, तसं तिकडे ब्राह्मण समाजाचे महत्त्व आहे.' तेथील लोकांना मी म्हणालो, 'मी जातपात मानत नाही. कोणताही माणूस जात, धर्म आणि पंथामुळे मोठा होत नाही, तर तो गुणांमुळे मोठा होतो. समाजात ज्यांची मुलं चांगली शिकली आहेत, त्यांनी समाजाला सुशिक्षित बनवाव आणि समाजाच्या आर्थिक प्रगतीसाठी तरुणांना दिशा द्यावी.'
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.