Mumbai News, 06 Apr : अंबरनाथमध्ये शनिवारी (ता.06) रात्री काही अज्ञातांनी भाजपच्या (BJP) माजी नगरसेवकाचं ऑफिस फोडल्याची धक्कादायक घटना समोर आली आहे. हातात धारधार तलवारी घेतलेल्या हल्लेखोरांनी ऑफिसमध्ये घुसून तोडफोड केल्याची घटना सीसीटीव्हीत कैद झाली आहे.
या हल्ल्याचा व्हिडिओ सध्या सोशल मीडियावर व्हायरल होत आहे. साम टिव्हीने दिलेल्या माहितीनुसार अंबरनाथमधील भाजपचे (BJP) माजी नगरसेवक रोहित राजू महाडिक यांच्या ऑफिसवर हा हल्ला झाला आहे.
10 ते 12 जणांच्या टोळक्याने केलेल्या या हल्ल्यात ऑफिसचं मोठं नुकसान झालं आहे. तर यावेळी ऑफिसमधील एका कर्मचाऱ्यावर देखील तलवारीने हल्ला केला आहे. पण हे हल्लेखोर नेमके कोण होते आणि त्यांना हल्ला का केला? याबाबतची माहिती समोर आलेली नाही.
भारतीय जनता पक्षाचे माजी नगरसेवक रोहित राजू महाडिक यांच्या अंबरनाथ पूर्वेच्या बी केबिन रोडवरील स्वानंद शॉपिंग कॉम्प्लेक्स शेजारी असलेल्या कार्यालयात शनिवारी रात्री अचानक तोंडाला रुमाल बांधलेले आणि हातात तलवारी घेतलेलं टोळकं शिरलं.
यावेळी त्यांनी ऑफिसच्या काचा फोडल्या खुर्च्यांवर देखील तलवारीने वार केले. या संपूर्ण हल्ल्याचा थरार सीसीटीव्हीत कैद झाला आहे. याप्रकरणी शिवाजीनगर पोलिस ठाण्यात गुन्हा दाखल करण्यात आला आहे. मात्र, या घटनेमुळे परिसरात दहशतीचं वातावरण निर्माण झालं आहे.
२५ वर्षे पूर्ण करणारा ई-सकाळ आता का्ॅमस्कोअरमध्ये नंबर १. डिजिटल माध्यमांच्या क्षेत्रातली नवी झेप
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.