Maratha Reservation Protest : मनोज जरांगे पाटील यांनी आझाद मैदानामध्ये पाय ठेवताच मराठा समाजाला उद्देशून मार्गदर्शन केले. सरकारने आपल्या सहकार्य केले आहे म्हणून आपण देखील त्यांना सहकार्य करायचे आहे. रस्त्यावर गाड्या लावल्या असतील त्या पोलिसांनी सांगितल्या प्रमाणे पार्किंगमध्ये लावा.
जरांगे म्हणाले, 'मुंबईत पाय ठेऊ देणार नसल्याचे म्हटले होते पण मराठे मांड्या घालून बसले आहेत. मराठा समाजाला आरक्षण द्या, हैद्राबाद, सातारा गॅझेट लागू करा. मागण्या मान्य झाल्याशिवाय आम्ही हटणार नाही.'
'देवेंद्र फडणवीससाहेब तुम्हाला मराठ्यांचे मन जिंकण्याची संधी आहे. पण मराठ्यांची लाट तुमच्या अंगावर घेऊ नका. तुम्ही राजकारण करणार असाल तर गोळ्या घातल्या तरी मागे हटणार नाही. तुम्ही जेलमध्ये टाकले तर मी जेलमध्ये सडेल, तेथेही उपोषण करेल.', असे म्हणत जरांगेंनी फडणवीसांना ललकारले.
आंदोलनासाठी अवघ्या एक दिवसाची परवानगी देण्यात आली आहे. मात्र, जरांगे पाटील यांनी आपल्या भाषणात म्हटले की, डोक्यावर गुलाल पडल्याशिवाय इथून उठायचं नाही. त्यामुळे आरक्षण मिळेपर्यंत हे आंदोलन सुरूच राहणार असल्याचे स्पष्ट संकेत त्यांनी दिले. तसेच मराठ्यांना झोपायला इथून 50 किलोमीटर पर्यंतची जागा आहे.
मनोज जरांगे पाटील म्हणाले की, आंदोलनासाठी सरकारच्या हातात आहे परवानगी देणं आणि सरकार परवानगी देईल, न्यायदेवता आपल्याला परवानगी देईल. आपण सरकारला पुन्हा अर्ज करणार आहोत परवानगीसाठी. दरम्यान, आपल्याला मान खाली घालायला लागेल असे वागू नका, असे आवाहन देखील आवाहन जरांगे पाटील यांनी आंदोलकांना केले.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.