Mumbai News : महापालिकेच्या निवडणुकीसाठी मंगळवारपासून उमेदवारी अर्ज दाखल करण्यास सुरुवात होणार आहे. त्यामुळे जागावाटपासाठी केवळ चार दिवसांचा अवधी शिल्लक राहीला आहे. त्यामुळे आघाडी व युतीच्या जागावाटपाबाबत बोलणी आता फायनल स्टेजला आली आहे. त्यातच आता येत्या काळात भाजपसमोरील टेन्शन वाढणार आहे.
मुंबई महापालिकेसाठी उद्धव ठाकरे यांची शिवेसना व राज ठाकरे यांच्या मनसेची युती होणार आहे. त्यासोबतच शरद पवार यांच्या राष्ट्रवादी काँग्रेसने सोबत येण्याची तयारी दर्शवली आहे. त्यामुळे येत्या काळात तीन पक्ष एकत्र आल्यास महायुतीमधील भाजप, एकनाथ शिंदेंच्या शिवसेनेचे टेन्शन वाढणार आहे.
महापालिका निवडणुकीसाठी मुंबईमध्ये भाजप (BJP) आणि एकनाथ शिंदे यांच्या शिवसेनेची युती होणार आहे. सूत्रांकडून मिळालेल्या माहितीनुसार राष्ट्रवादी काँग्रेस शरदचंद्र पवार पक्ष , शिवसेना ठाकरे गट आणि मनसे यांची मुंबई महापालिका निवडणुकीसाठी युती होणार आहे. जर या महापालिका निवडणुकीसाठी राष्ट्रवादी शरद पवार गट आणि दोन्ही ठाकरे बंधू एकत्र आल्यास महायुतीसमोर मोठे आव्हान निर्माण होण्याची शक्यता आहे.
येत्या काळात होत असलेल्या मुंबई महापालिका निवडणुकीसाठी राष्ट्रवादी काँग्रेस शरदचंद्र पवार पक्ष, मनसे आणि उद्धव ठाकरे यांच्या शिवसेनेची (Shivsena) युती होणार आहे. राष्ट्रवादी काँग्रेस शरद पवार पक्षाला आपल्या कोट्यातून जागा देण्याची तयारी शिवसेना ठाकरे गटाकडून दर्शवण्यात आली आहे. तर दुसरीकडे यावेळी प्रथमच उद्धव ठाकरेंची शिवसेना आणि मनसे युतीच्या निमित्ताने मुंबई महापालिका निवडणुकीत एकत्र येणार आहेत.
जागावाटपासाठी ठाकरे बंधूंच्या युतीची घोषणा अडली असल्याची माहिती समोर येत आहे. जोपर्यंत जागावाटप होत नाही, तोपर्यंत युतीची घोषणा नको अशी मनसेची भूमिका आहे. मुबईतील 9 जागा अशा आहेत, त्याचा तिढा अजूनही सुटलेला नाही, या 9 जागांचा तिढा सुटताच मनसे आणि शिवसेना ठाकरे गटाच्या युतीची घोषणा होण्याची शक्यता आहे.
येत्या दोन दिवसात दोन्ही पक्षांमधील नेत्यांची महत्त्वाची बैठक होणार आहे, या बैठकीमध्ये यावर चर्चा होणार असल्याची माहिती समोर येत आहे. मुंबई महापालिकेसाठी उद्धव ठाकरेंची शिवसेना, मनसे आणि राष्ट्रवादी शरद पवार यांचा पक्ष एकत्र आल्यास महायुतीचे टेन्शन वाढण्याची शक्यता आहे.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.