MLA Yogesh Kadam Accident : राजकीय नेत्यांच्या अपघातांचे सत्र अजून सुरुच आहे. काही दिवसापूर्वी भाजपचे आमदार जयकुमार गोरे, राष्ट्रवादीचे नेते, माजी मंत्री धनंजय मुंडे यांच्या कार अपघातानंतर आता शिंदे गटाच्या एका आमदाराचा अपघात झाल्याचे समोर आले आहे.
शिंदे गटाचे नेते, माजी मंत्री रामदास कदम यांचे पुत्र आणि आमदार योगेश कदम (Yogesh Kadam Accident)यांच्या गाडीला काल (शुक्रवारी) रात्री अपघात झाला आहे. रात्री सव्वादहाच्या सुमारास पोलादपूर नजीक कशेडी घाटात चोळई येथे हा अपघात झाला आहे.
त्यांच्या कारला डम्परने जोरदार धडक दिल्याने हा अपघात झाल्याचे प्राथमिक माहिती आहे. ते खेडहून मुंबई येत होते. "आई जबदंबेच्या कृपेने सुखरुप आहे," अशी भावना योगेश कदम यांनी व्यक्त केली आहे.
डम्परने योगेश कदम यांच्या कारला (Yogesh Kadam Car Accident) जोरदार धडक दिली आहे. या धडकेत गाडीच्या मागील बाजूचा पूर्ण चेंदामेंदा झाला आहे. यात योगेश कदम सुखरुप आहेत. मात्र त्यांच्या चालकाला आणि सुरक्षेसाठी तैनात असलेल्या पोलीसाला दुखापत झाली आहे.
काही दिवसापू्र्वी आमदार जयकुमार गोरे यांचा अपघात झाला होता. त्यांना पुण्यातील रुग्णालयात उपचारासाठी दाखल करण्यात आले होते. काल (शुक्रवारी) त्यांना डिस्चार्ज देण्यात आला होता, पण पुन्हा त्यांची तब्येत खालवल्याने गोरे यांना आता पुण्यातील रुबी हॉलमध्ये दाखल करण्यात आले आहे.
सरकारनामाचे सदस्य व्हा
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.