KDMC Election : महापालिका निवडणुकीसाठी मतदान सुरू आहे. मात्र, मतदान करताना मतदारांच्या बोटाला लावण्यात येणारी शाई पुसली जात असल्याचे प्रकार समोर येत आहे. कल्याण डोंबिवली महापालिकेतील मनसेच्या उमेदवार उर्मिला तांबे यांनी या विषयी तक्रार केली आहे.
कल्याण डोंबिवलीमधील पॅनल क्रमांक नऊ मध्ये मतदान करताना बोटाला लावलेली शाई पुसली जात असल्याचे समोर आले. त्यानंतर मनसेच्या उमेदवार उर्मिला तांबे आणि काँग्रेस उमेदवार माधवी चौधरी यांनी या संदर्भात तक्रार केली.
हा काय प्रकार आहे? असे प्रकार करायचे असतील तर निवडणुका घेता कशाला? असा संतप्त सवाल तांबे यांनी विचारलाय. दरम्यान, शाई पुसली जात असल्याने दुबार मतदानाचा धोका कायम असून उर्मिला तांबे यांनी मतदान केंद्रावरील अधिकाऱ्यांना जाब विचारत धारेवर धरले.
पुणे शहरातील धायरी भागात एका मतदाराने मतदान झाल्यानंतर एका लिक्विडने आपल्या बोटावरची शाई पुसण्याचा प्रयत्न केला. त्या व्यक्तीला राष्ट्रवादी शरदचंद्र पवार पक्षाच्या कार्यकर्त्यांनी पकडून ते लिक्विड जप्त करत चोप दिला. तसेच याबाबत ते पोलिसाकडे आणि निवडणूक आयोगाकडे तक्रार करणार असल्याची माहिती राष्ट्रवादीचे कार्यकर्ते मंगेश पोकळे यांनी दिली.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.