Pune News: मतदान केल्याची नोंद केल्याची खूण करण्यासाठी मार्करचा वापर केला जात आहे. ही शाई फिनरने निघत असल्याच्या तक्रारी अनेक ठिकाणाहून येत आहे. पुण्यात प्रभाग क्रमांक ३४ (नऱ्हे, वडगाव बुद्रुक, धायरी ) मधील धायरी फाट्याजवळ असलेल्या नारायणराव सणस विद्यालयाच्या बाहेरील मतदान केंद्रावर मतदान झाल्यावर मतदाराला बोटाला लावण्यात येणारी मतदानाची शाई पुसत असताना राष्ट्रवादीच्या कार्यकर्त्यांनी एका व्यक्तीला पकडले. त्याला चोप दिला. सकाळी साडेदहाच्या सुमारास हा प्रकार घडला.
मतदान झाल्यावरत बोटाला शाई लावण्यात येते. ही शाई दोन ते तीन आठवडे जात नाही. मात्र, येथील मतदान केंद्रावर लिक्विडने शाई पुसण्याचा प्रयत्न करत असलेल्या व्यक्तीला राष्ट्रवादी शरदचंद्र पवार पक्षाच्या कार्यकर्त्यांनी पकडून ते लिक्विड जप्त केले. तसेच याबाबत ते पोलिसाकडे आणि निवडणूक आयोगाकडे तक्रार करणार असल्याची माहिती राष्ट्रवादीचे कार्यकर्ते मंगेश पोकळे यांनी दिली.
मतदान केल्यानंतर बोटावरील मार्करने केलेली खूण पुसली जात असल्याचे मुंबई महापालिकेच्या आयुक्तांनी मान्य केले आहे. ही मार्कर पेन आयोगाकडून दिल्याचेही स्पष्ट करण्यात आले.मनसेचे प्रमुख राज ठाकरे यांनी या प्रकरणावरुन संताप व्यक्त केला आहे. राज ठाकरे कुटुंबासह मतदानासाठी दाखल झाले आहेत. आई, पत्नी शर्मिला ठाकरे, मुलगा अमित ठाकरे आणि सुनबाई मिताली यांच्यासह मतदान केले.
अकोल्यातल्या एका मतदान केंद्रावर उमेदवारांच्या प्रतिनिधींमध्ये वाद झाला आहे. वादांचे रूपांतर हाणामारीमध्ये झाले असून अकोला महापालिकेतील प्रभाग 17 मधील भांडपुरा चौकातल्या महापालिकेच्या उर्दू कन्या शाळेच्या मतदान केंद्रावरील हा प्रकार आहे. या मतदान केंद्रावर लोकांची मोठी गर्दी केली आहे.पोलिसांनी वेळीच घटनास्थळी धाव घेतल्याने अर्थातच पोलिसांच्या हस्तक्षेपांनंतर परिस्थिती नियंत्रणात आली.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.