Maratha Reservation News : मनोज जरांगे पाटील यांचे आंदोलन आझाद मैदानात सुरू आहे. आंदोलनात बाहेर व्यक्ती घुसवून कायदा व्यवस्थेचा प्रश्न निर्माण करण्याचा डाव असल्याचा आरोप आंदोलकांकडून करण्यात येत आहे. मराठा आंदोलकांनी हातात बिस्किट पाण्याची बाटली तसेच गळ्यात भगवे उपरणे असलेल्या व्यक्तीला पकडले. ती व्यक्ती मध्य प्रदेशची असून आंदोलनात घुसखोरी केली जात असल्यचा आरोप आंदोलकांकडून केला गेला.
पकडलेल्या व्यक्तीने आपल्या भगवा गमछा रेल्वेत मिळाला म्हणून घेतला. तसेच जेवण आणि वस्तुंचे वाटप सुरू होते म्हणून आपण तेथून पाण्याची बाटली आणि बिस्किट घेतल्याचे सांगितले. आपले वडील येथे कामाला असून त्यांना भेटण्यासाठी आपण आलो असल्याचे त्याने सांगितले.
दरम्यान, मराठा आंदोलकांनी एक व्हिडिओ दाखवत काही व्यक्ती आंदोलनात घुसखोरी करत असून आंदोलनाची बदनामी करण्याचा प्रयत्न करत असल्याचे म्हटले. मराठा आंदोलकांना जाणीवपूर्वक बदनाम करण्याचा प्रयत्न केला जातोय. मराठा आंदोलक शांतता प्रिय आहे, मात्र, ते हुल्लडबाजी करतायेत चित्र तयार करण्यासाठी घुसखोरी केली जात असल्याचे देखील आंदोलक म्हणाले.
मनोज जरांगे पाटील यांच्या आंदोलनाला परवानगी नाही. त्यामुळे त्यामुळे दुपारी तीनपर्यंत आझाद मैदान खाली करण्याचे निर्देश हायकोर्टाने दिले आहेत. आझाद मैदान रिकामे करा आणि मुंबई सोडा, अन्यथा आम्ही स्वतः रस्त्यावर उतरू, असे आदेश मुंबई उच्च न्यायालयाने मनोज जरांगे पाटील यांच्यासह सर्व मराठा आरक्षण आंदोलकांना दिले आहेत.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.