Maratha Reservation : मनोज जरांगे-पाटलांच्या मागणीला पाठींबा, देवेंद्र फडणवीसांच्या मंत्र्यानेच ठणकावून सांगितलं, म्हणाले, 'आरक्षण मिळाले...'

Manoj Jarange Patil News : मनोज जरांगे-पाटील मराठा आरक्षणाच्या मागणीसाठी आज मुंबईत आंदोलन करत आहेत. आझाद मैदानावर आंदोलनासाठी केवळ एका दिवसाची परवानगी मिळाली आहे. त्यामुळे ते एका दिवसात आंदोलन गुंडाळनार की आझाद मैदानातच थांबणार याची चर्चा सुरू आहे. मात्र, याच दरम्यान, मुख्यमंत्री देवेंद्र फडणवीस यांच्या मंत्रिमंडळातील सार्वजनिक बांधकाम मंत्री शिवेंद्रराजे भोसले यांनी मनोज जरांगे पाटील यांच्या मागणीला पाठींबा दिला आहे.

शिवेंद्रराजे भोसले म्हणाले, 'आरक्षणाच्या मुद्याला माझे पहिल्यापासून समर्थन आहे आणि आज देखील आहे . ते कायम राहणार आहेत. मराठा समाजातील जे गरजू आहेत त्यांना आरक्षण मिळाले पाहिजे ही पहिल्यापासून भूमिका आहे.'

केंद्रीय मंत्री रामदास आठवले यांनी देखील मराठा समजाला आरक्षण मिळाले पाहिजे, अशी भूमिका मांडली. ते म्हणाले,'सर्व मराठा समाजाला ओबीसीतून आरक्षण देणं शक्य नाही; मात्र मराठा समाजाला योग्य त्या प्रकारे आरक्षण मिळालं पाहिजे आणि त्यात ओबीसींवर अन्याय होऊ नये.'

जरांगे पाटील आझाद मैदानात दाखल

मनोज जरांगे पाटील मुंबईत दाखल झाले आहेत. ते आझाद मैदानावर आंदोलन करणार आहेत. मोठ्या संख्येने मराठा आंदोलक आझाद मैदानात दाखल होत आहेत. सरकारने आंदोलनाला एक दिवसाची परवानगी दिली आहे. मात्र, जोपर्यंत आरक्षण मिळणार नाही तो पर्यंत येथून हटणार नसल्याचे आंदोलक म्हणत आहेत.