Mumbai News, 29 Aug : ओबीसी प्रवर्गातूनच मराठ्यांना आरक्षण द्या, या मागणीसाठी मराठा आंदोलक मनोज जरांगे पाटील आजपासून मुंबईतील आझाद मैदानावर बेमुदत उपोषण करणार आहेत. यासाठी त्यांनी मुंबईच्या दिशेने कूच केली आहे.
जरांगे आज मुंबईत पोहोचले असले तरी बुधवारपासूनच अनेक मराठ्यांनी मुंबईचा रस्ता धरला होता. गुरूवारी रात्रीपासून मोठ्या प्रमाणात मराठा समाजातील लोकांनी आझाद मैदानावर मुक्काम केला आहे.
त्यामुळे जरांगे येण्याआधीच आझाद मैदान पूर्ण भरल्याचं दिसत आहे. दरम्यान, जरागेंच्या एका हाकेवर मुंबईत जमा झालेल्या मराठा बांधवांशी साम टीव्हीच्या प्रतिनिधींनी संवाद साधत त्यांच्या भावना नेमक्या काय आहेत ते जाणून घेण्याचा प्रयत्न केला आहे.
यावेळी अनेक आंदोलकांनी आम्हाला मराठ्यांच्या पुढाऱ्यांकडून नव्हे तर मनोजदादांकडूनच आरक्षण मिळेल अशी अपेक्षा असल्याचं म्हटलं आहे. सोलापूर जिल्ह्यातील आंदोलक साम टीव्हीशी बोलताना म्हणाले, "जोपर्यंत आरक्षण भेटत नाही जोपर्यंत आम्ही मुंबई सोडणार नाही.
गरज पडल्यास आणि मनोजदादांनी आदेश दिल्यास घराकडचे उरले सुरले लोक मुंबईत बोलवू आणि मुंबई जाम करू पण आता मागे हटणार नाही." तर दुसरा एक आंदोलक म्हणाला, "आता आता पुढची लढाई पाटील म्हणतील तसंच करणार आहे. मनोजदादांच्या नेतृत्वात आम्ही लोकशाही पद्धतीने आंदोलन करतोय, पण एक इशारा देतोय की आरक्षण घेतल्याशिवाय एकही मराठा मुंबई सोडणार नाही."
दरम्यान, जरांगे पाटील आता आंदोलनासाठी आझाद मैदानवर थोड्याच वेळात पोहोचतील. या पार्श्वभूमीवर पोलिसांनी मोठा पोलीस बंदोबस्त तैनात केला आहे. तर आंदोलनाच्या पार्श्वभूमीवर वाहतुकीतही मोठे बदल करण्यात आले आहेत.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.