BJP First 66 Candidates BMC : महापालिका निवडणुकांसाठी राज्यात उमेदवारी दाखल करण्यासाठी उद्याचा शेवटचा दिवस आहे. तत्पूर्वी राजकीय पक्षांच्या युती, आघाडीच्या चर्चांना जोर चढला आहे. काहींनी उमेदवार निश्चित करत, एबी फाॅर्म देखील दिले आहेत.
मुंबई महापालिकेसाठी भाजपने पहिल्या 66 उमेदवारांची यादी जाहीर केली आहे. तर काहींना एबी फाॅर्म देखील वितरीत करण्या आले आहेत. भाजपने जाहीर केलेल्या पहिल्या यादीत अमराठी उमेदवार किती? यावर लक्ष वेधत मनसेने भाजपवर पहिला वार केला. यामुळे भाजप ठासून सांगत नाही की, मुंबईचा महापौर मराठी होणार, असा टोला मनसेने लगावला आहे.
मुंबई (BMC Election) महापालिका निवडणुकीत मराठी-अमराठी वाद पेटणार असल्याची चिन्हं आहे. मीरा-भाईंदर इथं जैन मुनी नीलेशचंद्र यांनी मारवाडी अन् जैनांना, अमराठी व्यापाऱ्यांना झालेल्या मारहाणीचा मुद्दा पु्न्हा उकरून काढत, खोडी काढली. यावर मनसेचे माजी आमदार राजू पाटील यांनी जैन मुनींना राजकीय सुपारी न घेण्याचा सल्ला दिला.
तसंच राष्ट्रीय शैक्षणिक धोरणातील त्रिभाषा सूत्र अंमलबजावणीमधील हिंदी भाषेची सक्ती करण्यात आली होती. यातून हिंदी-मराठी भाषा वाद पेटला होता. भाजप (BJP) महायुती सरकारने यावर तोडगा काढण्यासाठी डाॅ. जाधव समितीची नेमणूक केली. ही समिती आपला अहवाल मुदतपूर्व देणार असल्याचे समोर आलं आहे.
भाजपने आता मुंबई महापालिका निवडणुकीसाठी उमेदवारांची यादी जाहीर केली आहे. यावरून मनसेने भाजपवर निशाणा साधला आहे. भाजपने 66 उमेदवारांची मुंबई महापालिकेसाठी यादी जाहीर केली आहे. यात 20 उमेदवार अमराठी आहेत. या अमराठी उमेदवारांमुळेच, आशिष शेलार "मुंबईचा महापौर मराठीच होणार" असे ठासून सांगत नव्हते, असा टोला मनसेने 'एक्स'वर पोस्ट करत लगावला आहे.
भाजपकडे त्यांचे स्वतःचे उमेदवार नाहीत आणि जे सापडलेत ते त्यांचे मूळचे नाहीत. ज्यांना उमेदवारी घोषित केली आहे, त्यातील अनेक उपरे आहेत. त्यामुळेच आशिष शेलार "मुंबईचा महापौर मराठीच होणार" असे ठासून सांगत नव्हते, म्हणून मतदान करताना सावध राहा, असे मनसेने सोशल पोस्टमध्ये म्हणत भाजपला डिवचलं आहे.
शिवसेना उद्धव बाळासाहेब ठाकरे सेना पक्षाकडून मुंबईतील उमेदवारांना एबी फाॅर्मसाठी मातोश्रीवरून फोन गेले आहेत. आतापर्यंत 55 जणांचा उमेदवारी जाहीर झाली आहे. परंतु आतापर्यंत 100 पेक्षा अधिक जणांना एबीफार्म देण्यात आल्याची माहिती समोर आली आहे.
मुंबई महापालिकेसाठी मनसे किती उमेदवार देणार, यादी कधी जाहीर करणार, याकडे आता लक्ष लागलं आहे. ठाणे महापालिकेत एकनाथ शिंदे यांना टक्कर देण्यासाठी मनसेने 14 उमेदवार जाहीर केले आहेत. त्यामुळे मुंबई महापालिकेसाठी कोणते देणार, याकडे लक्ष लागलं आहे.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.