Narayan Rane : दिशा सालियान, सुशांत सिंग राजपूत यांची हत्याच; राणेंचा खळबळजनक आरोप!

Narayan Rane : दिशा सालीयान (Disha Salian) मृत्यूप्रकरणी आता पुन्हा एकदा राजकीय वातावरण ढवळून निघत आहे. शिंदे गटाचे खासदार राहुल शेवाळे (Rahul Shewale) यांनी थेट शिवसेना ठाकरे गटाचे नेते आदित्य ठाकरे यांच्यावर आरोप केले होते. यावर आता केंद्रिय मंत्री नारायण राणे यांनी खळबळजनक आरोप लावले आहेत. पत्रकार परिषदघेऊन त्यांनी आदित्य ठाकरेंवर गंभीर आरोप केले आहेत.

दिशा सालियान आणि सुशांत सिंग राजपूत यांची हत्याच झाली आहे, या माझ्या भूमिकेवर मी आजही ठाम आहे. या दोघांची आत्महत्या नसून ही प्रत्यक्षात हत्या आहेत. सालियान आणि सुशांत सिंग राजपूतच्या हत्येमध्ये आदित्य ठाकरे आरोपी आहेत, आदित्य ठाकरे तिथं उपस्थित होते, असं मला काही अधिकाऱ्यांनी सांगितलं असा अतिशय गंभीर आरोप राणेंनी केला.

मोर्चाच्या दिवशी उद्धव ठाकरे हे छाताडावर नाचू असू म्हटले होते, मात्र ठाकरे गट आता पाचव्या क्रमांकावर गेला, यासाठी संजय राऊत यांचं अभिनंदन करायला लावलं पाहिजे. कोरोनाकाळात झालेल्या भ्रष्टाचारवर कोणी बोलत नाही, यावर ही बोललं गेलं पाहिजे, असेही राणे म्हणाले. शिवसेनेने ठाकरे गटाकडे आता कोणीही पुरुष शिल्लक नाही. महिलेला मुख्यमंत्री करणार, असं त्यांनी सांगितलं आहे.दिनू मोर्याचा या प्रकरणाशी काही संबंध आहे, हे तपासून पाहिलं आहे, असेही राणे म्हणाले.