मुंबई : पेंग्विनबाबत भाजप (BJP) आणि शिवसेनेत (Shivsena) संघर्ष सुरू असून, महाराष्ट्रात पेंग्विनबाबत भाजप बीएमसी आणि शिवसेनेला घेरण्याचा प्रयत्न करताना दिसत आहे. तर दुसरीकडे भाजपला घेरण्यासाठी मुंबईच्या महापौर किशोरी पेडणेकर गुजरातमध्ये आणलेल्या पेंग्विनच्या मुद्द्यावरुन लक्ष्य करत आहेत. गुजरात दौऱ्यावरून परतल्यानंतर महापौर किशोरी पेडणेकर (Kishori pedanekar) यांनी पत्रकार परिषदेत भाजपवर जोरदार टीका केली. गुजरातमधील पेंग्विन प्रकल्पाचे स्वागत करून त्यांनी महाराष्ट्रातील नेत्यांना दिलासा दिला आहे.मात्र, या मुद्द्यावरुन आता भाजप- सेनेत राजकारण पेटले आहे. (Shivsena-BJP latest news)
किशोरी पेडणेकरांनी पत्रकार परिषदेत केलेल्या टीकेला भाजप नेते अतूल भातखळकर (Atul Bhatkhalkar) यांनी उत्तर दिले आहे. "आज किशोरी पेडणेकर यांनी पुन्हा एकदा माझ्या सकट भाजपच्या नेत्यांचा उद्धार पत्रकार परिषदेत केला. पण स्वतःचा भ्रष्टाचार आणि अकार्यक्षमता लपवण्यासाठी आधार कुणाचा घेताय तर गुजरात आणि मोदींचा यातच तुमचे पितळ उघडे पडले आहे. अहमदाबादला पेंग्विन आणले की नाही आणले त्यांची नावे काय ठेवली हा नाहीतर तुम्ही पेंग्विनच्या नावाखाली केलेला भ्रष्टाचार आहे, असे म्हणत त्यांनी पेडणेकरांवर निशाणा साधला आहे
तसेच, ज्या मुंबई महानगर पालिकेचे 80 हजार पेक्षा जास्त डिपॉझिट आहेत तरी तुम्ही फुकट लसीकरण केले नाहीत. पण पेंग्विनसाठी दिवसाला दीड दीड लाख रुपये खर्च करता त्यामुळे पेंग्विनमध्ये का भ्रष्टाचार झाला याचे उत्तर द्या, असे म्हणत भातखळकरांनी किशोरी पेडणेकरांना डिवचले आहे.
काय म्हणाल्या किशोरी पेडणेकर?
किशोरी पेडणेकर यांनी गुजरातमधील अहमदाबाद शहरातील सायन्स सिटीला भेट दिली. या भेटीनंतर मुंबईत आयोजित पत्रकार परिषदेत महापौर किशोरी पेडणेकरांनी भाजपवर टीका केली.
परदेशातील अशा उद्यानांना भेट देण्यासाठी 1000 रुपयांपेक्षा जास्त खर्च येतो. पण मुंबईत 100 रुपयांत संपूर्ण कुटुंब राणीची बाग पाहू शकते. गुजरातमध्ये त्याची किंमत 264 कोटी रुपये आहे. गुजरातमधील अहमदाबादमधील राणीबागेत जाण्यासाठी प्रत्येक केंद्र पाहण्यासाठी येणाऱ्या लोकांना 200 आणि 50 रुपये मोजावे लागतात, तर मुंबईच्या राणीबागेत फक्त 50 रुपये मोजावे लागतात आणि संपूर्ण ठिकाणी फिरता येते.
मुंबईत पेंग्विनसाठी 24 तास डॉक्टर उपलब्ध आहेत, गुजरातमध्ये डॉक्टर नाही. आफ्रिकन पेंग्विनसाठी, 50 मिमी जाड काच लावण्यात आली आहे. आमचे पेंग्विन गुजरातपेक्षा मोठे आहेत. आम्ही 17.5 कोटी रुपयांमध्ये पेंग्विन रूम बनवली आहे. गुजरातमध्येही 6 पेंग्विन होते, पण त्यातील एक कुठे गेला हे त्याला कळले नाही.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.