Sanjay Raut News : संजय राऊतांना शिवसेना संसदीय नेतेपदावरून हटवलं, किर्तीकरांची निवड!

Eknath Shinde News : शिवसेना उद्धव बाळासाहेब ठाकरे गटाचे खासदार संजय राऊत (Sanjay Raut) यांची शिवसेना पक्षाच्या संसदीय नेतेपदावरून हटवण्यात आलेलं आहे. संसदीय नेतेपदी आता मुख्यमंत्री यांच्या शिवसेनेचे नेते गजानन किर्तीकर यांची निवड करण्यात आलेली आहे. एकनाथ शिंदे यांनी लोकसभा अध्यक्षांना याबाबत पत्र लिहून ही माहिती दिलेली आहे.

शिवसेना पक्षाच्या संसदीय नेतेपदी आता गजानन किर्तीकर यांची निवड झालेली आहे. संजय राऊत यांना पदावरून हटवण्यात आलेलं आहे. काही दिवसांपूर्वीच किर्तीकर यांनी शिवसेनेत प्रवेश केला. यानंतर आता संसदीय नेतेपदी त्यांची निवड करण्यात आलेली आहे. शिवसेना हे नाव आणि शिवसेना हे चिन्ह मिळाल्यानंतर आता दोन्ही गटांमधील राजकीय संघर्ष आपल्याला पाहायला मिळत आहे.

एकनाथ शिंदे यांनी लोकसभचे अध्यक्ष ओम बिर्ला यांना एक पत्र पाठवले आहे. यात असे नमूद आहे की, "२१ फेब्रुवारी २०२३ रोजी मुंबई शहरात शिवसेना कार्यकारीणीची एक बैठक पार पडली होती. या बैठकीमध्ये एकमतानं ठराव झाला की, संजय राऊत इथून पुढे संसदेतील शिवसेना पक्षाचे नेते नसतील, त्यांच्याऐवजी गजानन किर्तीकर यांची या पदावर निवड व्हावी. आमच्याकडे बहुमत असल्याने, संजय राऊत यांना या पदावरून दूर करावे"