Shambhuraj Desai's Vedio : विधानसभेतील त्या पुडीबाबत शंभूराज देसाई बोलले : ‘मी तंबाखू खात नाही...मी चूक केली नाही...’

मुंबई : विधानसभेत आज मुख्यमंत्री एकनाथ शिंदे बोलत असताना मंत्री शंभूराज देसाई आणि आमदार भरत गोगावले यांच्यामधील हालचाली सभागृहातील कॅमेऱ्याने टिपल्या आहेत. गोगावलेंनी देसाई यांच्याकडे खुणेच काहीतरी मागितले. देसाईंनी ते देताच गोगावले यांनी पुडातील तो पदार्थ हातावर मळून खाल्ला आणि त्यानंतर ती पुडी देसाईंकडे सुपूर्त केली. (Shambhuraj Desai's explanation about that puddi in the assembly)

दरम्यान, यासंदर्भात मंत्री शंभूराज देसाई यांनी स्पष्टीकरण दिले आहे. मुळात मी आणि भरत गोगावलेही तंबाखू खात नाही. त्यामुळे मी चूक केलेली नाही, असे शंभूराज यांनी स्पष्ट केले.

अंतिम आठवडा प्रस्तावावर आज विधानसभेत चर्चा सुरू होती. त्यात चर्चेत मुख्यमंत्री एकनाथ शिंदेही सहभाग झाले होते. मुख्यमंत्री शिंदे बोलत असताना त्यांच्या पाठीमागे सुरू असलेल्या हालचाली विधानसभेतील कॅमेऱ्याने अचूकपणे टिपल्या आहेत. त्यात आमदार भरत गोगावले यांनी खुणनेच मंत्री शंभूराज देसाई यांच्याकडे कशाची तरी मागणी केली. देसाई यांनी खिशातून काढून ती पुडी गोगावले यांना दिली. त्यातील पदार्थ गोगावले यांनी हातात घेऊन तो मळला आणि तोंडात टाकला. त्यानंतर ती पुडी गोगावले यांनी देसाई यांना परत केली.

हे सर्व सभागृहातील कॅमेऱ्याने अचूकपणे टिपले. त्यावर विरोधी पक्षाकडून टीका करण्यात येत आहे. त्याबाबत शंभूराज देसाई यांनी स्पष्टीकरण दिले आहे. ते म्हणाले की, या संदर्भात मी काही वाहिन्यांवर बातमी पाहिली, आमचे सहकारी आमदार भरत गोगावले यांनी काही मागितलं आणि मी ते दिलं

मूळात मी तंबाखू खात नाही, ना भरतशेठ खातात... माझाकडे मसाला इलायची होती. जी मी घसा कोरडा होतो; म्हणून खातो. ती भरतशेठ यांनी मागितली आणि मी दिली. मी सभागृहात गेली अनेक वर्ष बसतो. सभागृहाचे नियमही मला माहीत आहेत, असेही देसाई यांनी सांगितले.

ते म्हणाले की, सभागृहातील व्हिडिओबद्दल युवा नेते बोलले. पण, तेच युवा नेते शेतकऱ्यांबद्दल बोलले का? शेतकऱ्यांच्या बांधावर गेले का? माझाबद्दल जी क्लिप चालली आहे. त्याबद्दल खातर जमा करायला हवी होती. ती बातमी चालवण्यापूर्वी विचारायला हवी होती. मी चूक केलेली नाही. मी तंबाखू खात नाही.