Mumbai News : राष्ट्रवादी काँग्रेस पक्षात उपमुख्यमंत्री अजित पवार गटाने बंड करत पक्षाध्यक्ष शरद पवार (Sharad Pawar) यांच्या भूमिकेपासून फारकत घेऊन वेगळी वाट चोखाळली. शिंदे--फडणवीस यांच्यासोबत जात अजित पवार गट (Ajit Pawar Group) सत्तेत सहभागी झाला. (Latest Marathi News)
सत्तेत सहभागी झाल्यानंतर अजित पवार गटाने राष्ट्रवादी पक्षावर पूर्ण दावा सांगितला. पक्षनाव आणि घड्याळ चिन्हावर अजित पवारांनी दावा सांगितला आहे. हे प्रकरण निवडणूक आयोगाकडे गेले आहे. एकीकडे ही कायद्याची लढाई सुरू असताना शरद पवार गट समर्थक आमदार रोहित पवार यांनी यावर महत्त्वाचं विधान केले आहे.
पक्षात झालेल्या बंडावर आमदार रोहित पवार म्हणाले, “संपूर्ण पक्ष आमच्याकडेच आहे, असं आयोगाकडे सांगावं लागतं. त्यामुळे शरद पवार यांच्या राष्ट्रवादीने याआधीच सांगितले आहे की, संपूर्ण पक्ष आमच्याकडेच आहे. कुठेही गट-तट नाही, फूट पडलेली नाही. त्यामुळे फूट कशी पडली ते त्यांनी (अजित पवार गट) सांगावं. दोन्ही गट आपली कायदेशीर भूमिका घेणार मांडणार आहे."
रोहित पवार पुढे म्हणाले, 'तसं पाहायला गेलं तर लोकभावना त्यांच्या (अजित पवार गट) विरोधात आहे, पण भाजपासाऱखी मोठी शक्ती त्यांच्यासोबत आहे. मात्र शरद पवार यांच्या बाजूला सामान्य नागरिक आहेत. लोकांची शक्ती आहे. यामुळे लोकशाहीमध्ये लोकांना विश्वासात घेऊन लढाई सुरू आहे. पुढील काळात लोकशाही जिंकणार की बलाढ्य शक्ती जिंकणार ते आपण पाहूच," असंही रोहित पवार म्हणाले.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.