Mumbai News: शिवसेना ठाकरे गटाचे मुंबईतील घाटकोपर भटवाडी येथील प्रभाग क्रमांक 128 चे माजी नगरसेवक दीपक हांडे आणि माजी नगरसेविका अश्विनी हांडे यांनी आपल्या शेकडो कार्यकर्त्यांसह शिवसेना शिंदे गटात जाहीर प्रवेश केला आहे. त्यामुळे ठाकरे गटाला ऐन निवडणुकीच्या तोंडावर मोठा धक्का बसला आहे.
आगामी लोकसभा, विधानसभा आणि महापालिका निवडणुकांच्या पार्श्वभूमीवर सर्वच राजकीय पक्षांनी आपली संघटना मजबूत करण्यासाठी मोठ्या हालचाली सुरु केल्या आहेत. पक्षाचे संघटन आणखी मजबूत करण्यासाठी नेते मंडळींनी सध्या सभा, बैठकांचा धडाका लावला आहे. पण अशातच ठाकरे गटाला धक्यावर धक्के बसत आहेत.
(राजकारणातील महत्त्वाच्या बातम्यांचे अपडेट्ससाठी सरकारनामाचे अधिकृत WhatsApp चॅनल फॉलो करा!)
आता मुंबईतील घाटकोपर भटवाडी येथील माजी नगरसेवक दीपक हांडे आणि माजी नगरसेविका अश्विनी हांडे यांनी शिंदे गटात जाहीर प्रवेश केला. मुख्यमंत्री एकनाथ शिंदे यांच्या उपस्थितीत हा पक्ष प्रवेश पार पडला. ऐन निवडणुकीच्या (Election) तोंडावर दीपक हांडे आणि अश्विनी हांडे यांनी ठाकरेंची साथ सोडत शिंदे गटात केलेल्या प्रवेशामुळे घाटकोपर भटवाडीत शिंदे गटाची ताकद वाढली आहे.
दरम्यान, हांडे यांच्याबरोबर ठाकरे गटाच्या वसई-नालासोपारा महिला संपर्क प्रमुख भारती गावकर यांनी देखील शिवसेनेच्या शिंदे गटात प्रवेश केला. या पक्ष प्रवेशावेळी मुख्यमंत्री एकनाथ शिंदे (Eknath Shinde) स्वत:उपस्थित होते. यावेळी ते म्हणाले, "घाटकोपरच्या भटवाडी परिसरातील विकासकामे प्रलंबित आहेत. मात्र, ही विकासकामे पूर्ण करण्यासाठी निधी कमी पडू दिला जाणार नाही", अशी ग्वाही शिंदेंनी यावेळी दिली.
(Edited by-Ganesh Thombare)
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.