Wada Nagar Panchayat Result : भाजप सुसाट, ठाकरेंच्या उमेदवाराचा एका मताने पराभव; पहिल्या फेरीत सहा जण विजयी

दिलीप पाटील

Wada News : पालघर जिल्ह्यातील वाडा नगरपंचयातीचा पहिला फेरीचा निकाल समोर आला आहे. या निकालामध्ये भाजपचे सहा नगरसेवक विजय झाले आहेत.प्रभाग क्रमांक 6 मधून भाजपच्या सिद्धी भोपतराव या एका मताने विजयी झाल्या आहे. त्यांनी शिवसेना उद्धव बाळासाहेब ठाकरे पक्षाच्या उमदेवार प्रिया गंधे यांचा अवघ्या एका मताने पराभव केला आहे.

भाजपचे उमेदवार रविंद्र कामडी, अशिकेश सतीश पवार, श्वेता उंबरसडा, प्रिया गंधे तसेच मयुरी म्हात्रे,सविता वनगा विजय झाले आहेत. भाजपच्या नगराध्यक्षपदाच्या उमदेवार रिमा गंधे या देखील आघाडीवर आहेत.

दुसऱ्या फेरीत भाजपच्या नगराध्यक्षपदाच्या उमेदवार रिमा गंधे यांनी 975 मतांची आघाडी घेतली आहे. तर, प्रभाग नऊमधून शिंदेंच्या शिवसेनेचे शमीम शेख विजयी झाले आहेत. तर, प्रभाग 10 मधून भाजपच्या मनिष देहेरकर विजयी झाले आहेत. तर, प्रभाग आठमधून शिंदेंच्या शिवसेनेचे उमेदश लोंखंडे विजयी झाले आहेत.

काँग्रेसने खाते उघडले

काँग्रेसच्या भारती सपाटे यांनी प्रभाग 12 मधून विजयी झाले आहेत. दुसऱ्या फेरीपर्यंत भाजपने तब्बल 10 जागा आणि एकनाथ शिंदेंच्या शिवसेनेने दोन जागांवर विजय मिळवला आहे.