Nashik Politics : स्वातंत्र्यवीर सावरकरांची भूमी अर्थात नाशिकच्या भगूर नगरपालिकेत २० वर्षांनी सत्ता परिवर्तन झाले आहे. शिवसेना शिंदे गटाचे विजय करंजकर यांच्या पत्नी अनिता करंजकर यांचा पराभव करुन अजित पवार यांच्या राष्ट्रवादीच्या प्रेरणा बलकवडे या नगराध्यक्षपदी विजय झाल्या आहेत.
भगूरमध्ये शिवसेना विरूद्ध राष्ट्रवादी, भाजप आणि शिवसेना (उबाठा) अशी लक्षवेधी लढत रंगली होती. विजय करंजकर यांना सत्तेपासून अलिप्त ठेवण्यासाठी आमदार सरोज अहिरे यांनी राष्ट्रवादी-भाजप-शिवसेना ठाकरे गट अशा तीनही पक्षांची मोट बांधत परिवर्तनाची लढाई प्रतिष्ठेची केली होती.
सत्तेसाठी प्रचाराच्या स्तर घसरलेल्या या निवडणुकीत कोणाचे पारडे जड ठरते, याकडे अवघ्या जिल्ह्याचे लक्ष लागून होते. प्रेरणा बलकवडे यांच्या प्रचारासाठी आमदार सरोज अहिरे यांनी कंबर कसली होती. विजय करंजकर व सरोज अहिरे यांनी प्रचारादरम्यान एकमेकांची टीका केली होती.
येथील नगराध्यक्षपद पद महिला राखीव होते. करंजकर यांची २० वर्षांची सत्ता राष्ट्रवादी अजित पवार गट-भाजप व शिवसेना ठाकरे गटाच्या युतीने उधळून लावली आहे. विजय करंजकर यांच्यासाठी हा सर्वात मोठा धक्का आहे.
भगूरमध्ये प्रेरणा बलकवडे यांच्या प्रचारासाठी स्वत:अजित पवार यांची सभा झाली होती. तर करंजकर यांच्या प्रचारासाठी एकनाथ शिंदे यांची सभा झाली होती. परंतु भगूरकरांनी अजित पवार यांचे नेतृत्व स्विकारले आहे.
भगूरला नगराध्यक्ष पदाचे उमेदवार प्रेरणा बलकवडे व त्यांचे पती विशाल बलकवडे तसेच शिवसेना उबाळाचे काका देशमुख व त्यांच्या पत्नी जयश्री देशमुख तसेच भाजपचे ज्येष्ठ नेते व उमेदवार दीपक बलकवडे व त्यांच्या पत्नी विद्या बलकवडे या देखील निवडणुकीत विजयी झाले.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.