मुंबई : अंधेरी पूर्व विधानसभा पोटनिवडणुकीसाठी शिवसेना ठाकरे गटाकडून दिवंगत आमदार रमेश लटके यांच्या पत्नी ऋतुजा लटके यांना उमेदवारी देण्यात आली आहे. उद्या लटके यांचा उमेदवारी अर्ज दाखल करणार आहेत. पण अद्याप त्यांच्या राजीनाम्याला मंजूरी मिळालेली नाही. राजकीय दबावामुळे महापालिकेकडून त्यांचा राजीनामा स्वीकारला जात नसल्याचा आरोप शिवसेनेकडून करण्यात येत आहे. यावर शिवसेना नेत्या किशोरी पेडणेकर यांनी प्रतिक्रीया दिली आहे.
"कुठल्या हुकूमशाहीकडे ही महापालिका चाललीये? आमचे उमेदवार पालिकेच्या सेवेत आहे. त्या स्वखुशीने राजीनामा देत आहेत तर त्यांचा राजीनामा दाबून ठेवताय. शिंदे फडणवीस सरकारच यावर दबाव आणतंय. सनदी अधिकारी इकबाल चहल हे फडणवीस सरकारला घाबरत आहेत. नियमांची पायमल्ली होत आहे. हे अधिकारी कायदा कानून मानून चालतात असं वाटतं होतं, पण ते दबावाला बळी ठरत आहेत.
ऋतुजा लटके या दिवंगत शिवसैनिक रमेश लटके यांच्या पत्नी आहेत. ते शिवसेना बाळासाहेब ठाकरे या नावासोबत राहतील. तिची बांधिलकी ही शिवसेना उद्धव बाळासाहेब ठाकरे यांच्या सोबत आहे. एका विधवा बाईने ठरवलं की आपल्या पतीचं काम पुढे न्हेलं पाहिजे, असे पेडणेकर म्हणाल्या.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.