अमली पदार्थ नियंत्रण ब्यूरोने (NCB) शनिवारी रात्री एका लक्झरी क्रुझवर छापा टाकत १० जणांना ताब्यात घेतले. शनिवार पासून सुरु झालेली कारवाई रविवारी रात्री उशिरा पर्यंत सुरु होती. या कारवाईत एनसीबीने अभिनेता शाहरुख खानचा मुलगा आर्यन खानसह ८ जणांवर गुन्हा नोंदवला. तर न्यायालयाने आर्यन खानसह इतर दोघांना २४ तासाची पोलीस कोठडी सुनावली. मात्र एनसीबीला या ड्रग्ज पार्टीची टिप नक्की कोणी दिली, याबाबत अनेकांच्या मनात प्रश्न उपस्थित होत आहे.
याबाबत मुंबई एनसीबीच्या सूत्रांनी दिलेल्या माहितीनुसार, काही दिवसांपूर्वी त्यांनी कुणाल वाणी नावाच्या हॉटेल मालकाला अटक केली. कुणाल वाणी दिवंगत सुशांत सिंह राजपूत याचा मित्र होता. कुणाल वाणीच्या चौकशीदरम्यान या क्रूझ पार्टीची माहिती NCB ला मिळाल्याचे बोलले जाते. कुणाल काही दिवसांपासून फरार होता. अखेर बुधवारी त्याला खार येथून अटक करण्यात आली. कुणालकडूनच एनसीबीला या पार्टीची माहिती मिळाली. या माहितीच्या आधारे एनसीबीने संपूर्ण छाप्याची योजना आखली आणि ही कारवाई यशस्वी केली.
दरम्यान, शनिवार (२ ऑक्टोबर) आणि रविवारचा (३ ऑक्टोबर) संपुर्ण दिवसभर बॉलीवूडमध्ये खळबळ माजली होती. दिवंगत अभिनेता सुशांतसिंह राजपूतच्या आत्महत्येनंतर बॉलीवूडची एक काळी बाजू समोर आली. या प्रकरणात अभिनेत्री रिया चक्रवर्तीसह, दिपीका पादुकोण, सारा अली खान, नुकुल प्रीत यांचीही चौकशी केली.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.