Shiv Sena Symbol : धनुष्यबाण गमावल्यानंतर संजय राऊतांची प्रतिक्रिया : म्हणाले, "खोक्यांचा विजय.."

Shiv Sena Symbol : मुख्यमंत्री एकनाथ शिंदेंना अखेर धनुष्यबाण चिन्ह बहाल करण्यात आलेले आहे. हा निर्णय केंद्रीय निवडणूक आयोगाकडे प्रलंबित होता. आज अखेर शिंदेंना धनुष्यबाण चिन्हं देण्यात आलेले आहे. या प्रकरणी सुप्रिम कोर्टात सत्तासंघर्षाची सुनावणी सुरू होती. या दरम्यानआयोगाने हा निर्णय आज दिला आहे.

निवडणूक आयोगाचा मोठा निर्णय यांना धनुष्यबाण चिन्ह मिळाल्याची आता स्पष्ट झाले आहे. अनेक दिवसांपासून आयोगाकडून हा निर्णय प्रलंबित होता. अनेकांचे याकडे लक्ष लागले होते.आज ७८ पानांची निवडणूक आयोगाचे निकालपत्र दिले आहे.

दरम्यान, या निर्णयावर खासदार संजय राऊत यांनी प्रतिक्रिया व्यक्त केली आहे."सत्यमेव जयते हे ब्रीद वाक्य तोडून असत्यमेव जयते करावं लागेल. खरेदी विक्री कुठपर्यंत गेलेली आहे, हे स्पष्ट झालं. जो पक्ष बाळासाहेबांनी उभा केला, शिवसैनिकांनी रक्त आणि बलिदान देवून उभं केलं. तो पक्ष चाळीस बाजारबुणगे विकत घेतात, याची नोंद इतिहासात राहिल. निवडणूक आयोगाने लोकांचा विश्वास गमावला. सगळ्या स्वायत्त यंत्रणा यांना गुलाम करण्यात येत आहे.हा खोक्यांचा विजय आहे. प्रचंड पैशांची उधळण झाली, आम्ही याला आव्हान देवू," असे राऊत म्हणाले.