सटाणा (जि.नाशिक) ः भाक्षी ग्रामपंचायतीच्या निवडणुकीत वार्ड क्रमांक 1 मध्ये भास्कर पाटील हा नेपाळी युवक विजयी झाला. त्यांच्या विजयाची तालुक्यात चर्चा होती. दरम्यान, भवाडे येथील थेट सरपंचपदासह पासष्ट सदस्यांच्या जागेसाठी एकही अर्ज आला नाही. त्यामुळे ही पदे रिक्त राहिली हे कालच्या निकालावरून स्पष्ट झाले.
नेपाळी भास्करचे वडील बलदेव हे तीस वर्षांपूर्वी नेपाळमधून सटाण्यात आले. मराठा विद्या प्रसारक समाज संस्थेच्या लोकनेते पं. ध. पाटील मराठा इंग्लिश स्कूलमध्ये गुरखा म्हणून नोकरी सुरु केली. हे कुटुंबीय पूर्वीपासूनच भाक्षी गावात राहतात. लहानपणापासून युवकांमध्ये लोकप्रिय असलेल्या भास्करने आपला जम बसविला. नुकत्याच झालेल्या थेट सरपंच पदाच्या निवडणुकीत त्याने निर्णायक भूमिका बजावली. थेट सरपंचपदासह इतर वार्डातील निवडणूकही बिनविरोध झाली. मात्र वार्ड क्रमांक एकमध्ये निवडणूक झाली. या चुरशीच्या निवडणुकीत भास्कर मोठ्या मताधिक्क्याने निवडून आला.
बागलाण तालुक्यातील थेट सरपंचपदाचे निकाल काल जाहीर झाले. त्यात केळझरला चंद्रभागा बहीरम (776 मते), केरसाने येथे फुलाबाई माळी (570 मते), मुळाणे अश्विनी विलास गरुड (588 मते) विजयी झाल्या.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.