Mumbai News : महायुती सरकार पुन्हा एकदा सत्तेत आल्यापासून आयएएस आणि आयपीएस प्रशासकीय अधिकाऱ्यांच्या बदल्यांचा धडाकाच लावला आहे. राज्य सरकारकडून मागच्याच आठवड्यात 8 आयएएस (IAS) अधिकाऱ्यांच्या बदल्या केल्यानंतर आता पुन्हा एकदा 4 आयएएस अधिकाऱ्यांच्या बदल्याचे आदेश जारी करण्यात आले आहेत.
मुख्यमंत्री देवेंद्र फडणवीस नेतृत्वातील महायुती सरकारनं मंगळवारी (ता.17) मुंबई मेट्रो क्षेत्र झोपडपट्टी पुनर्वसन प्राधिकरण मुख्य कार्यकारी अधिकारी पराग सोमन यांची वर्ध्याच्या जिल्हा परिषदेच्या मुख्य कार्यकारी अधिकारीपदी बदली करण्यात आली आहे. तसेच नागपूर स्मार्ट सिटीच्या मुख्य कार्यकारी अधिकारी सौम्या शर्मा चांडक यांची अमरावती महापालिकेच्या आयुक्तपदी नियुक्ती करण्यात आली आहे.
तर दुसरीकडे अमरावतीचे आयुक्त सचिन कळंत्रे यांच्याकडे आता पुणे शहरातील 'यशदा'च्या उपसंचालकपदाची धुरा देण्यात आली आहे. याचदरम्यान,वर्धा जिल्हा परिषदेचे मुख्य कार्यकारी अधिकारी जिथिन रहमान यांच्याकडे आता बीड जिल्हा परिषदेच्या मुख्य कार्यकारी अधिकारीपदाची जबाबदारी सोपवण्यात आली आहे.
महायुती सरकारकडून प्रशासकीय विभागातील वरिष्ठ अधिकाऱ्यांच्या बदल्यांचा धडाका सुरुच ठेवला आहे. मुख्यमंत्री देवेंद्र फडणवीस (Devendra Fadnavis) यांच्या नेतृत्वात पुन्हा सत्तेत आलेल्या सरकारकडून गेल्या पाच सहा महिन्यांपासून बदल्यांचं सत्र सुरु आहे. गेल्याच आठवड्यात प्रशासनात मोठे बदल करताना आठ वरिष्ठ आयएएस अधिकाऱ्यांच्या बदल्यांचे आदेश काढले आहेत.
राज्य सरकारने गेल्या आठवड्यात केलेल्या बदल्यांमध्ये आयएएस अधिकारी नितीन पाटील यांची राज्याच्या कापूस उत्पादक विपणन महासंघाच्या व्यवस्थापकपदी नियुक्ती करण्यात आली होती. तसेच आप्पासाहेब धुळाज यांच्याकडे राज्याच्या ओबीसी बहुजन कल्याण विभागाच्या सचिवपदाची जबाबदारी सोपवण्यात आली होती.
1. पराग सोमण (IAS:SCS:2014) मुख्य कार्यकारी अधिकारी, मुंबई मेट्रो क्षेत्र झोपडपट्टी पुनर्वसन प्राधिकरण, ठाणे यांची मुख्य कार्यकारी अधिकारी, जिल्हा परिषद, वर्धा म्हणून नियुक्ती करण्यात आली आहे.
2. सचिन कळंत्रे (IAS:SCS:2014) महापालिका आयुक्त, अमरावती महानगरपालिका, अमरावती यांची यशदा, पुणे येथील उपमहासंचालक म्हणून नियुक्ती करण्यात आली आहे.
3. सौम्या शर्मा-चांडक (IAS:RR:2018) मुख्य कार्यकारी अधिकारी, स्मार्ट सिटी, नागपूर यांची महापालिका आयुक्त, अमरावती महानगरपालिका, अमरावती म्हणून नियुक्ती करण्यात आली आहे.
4. जिथिन रहमान (IAS:RR:2020) मुख्य कार्यकारी अधिकारी, जिल्हा परिषद, वर्धा यांची मुख्य कार्यकारी अधिकारी, जिल्हा परिषद, बीड म्हणून नियुक्ती करण्यात आली आहे.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.