Teacher Recruitment 2024: शिंदे सरकारचा शिक्षकांसाठी मोठा निर्णय! तब्बल 'एवढ्या' हजार जागांची मेगा भरती करणार

Teacher Recruitment : राज्याच्या शालेय शिक्षण विभागातर्फे शिक्षक भरतीची प्रक्रिया राबवली जात असून, शिंदे सरकार शिक्षकांच्या 10 हजार जागा भरणार आहेत. जुलै महिना अखेर किंवा ऑगस्टच्या पहिल्या आठवड्यात जिल्हा परिषद शाळांमधील रिक्त पदभरतीच्या जाहिराती शिक्षणाधिकाऱ्यांना पवित्र पोर्टलवर अपलोड करता येणार आहेत.

ZP शाळांमध्ये साडेतीन हजार तर खासगी संस्थांमधील सहा ते साडेसहा हजार पदे जुलै अखेर किंवा ऑगस्टच्या पहिल्याच आठवड्यात भरली जाणार आहेत. यामध्ये ज्या खासगी अनुदानित शैक्षणिक संस्थांना याआधी पवित्र पोर्टलवर (Pravitra portal) जाहिरात अपलोड करता आली नव्हती त्यांना या वेळेस संधी मिळणार आहे.

जिल्हा परिषदांच्या शाळांमधील 30 टक्के रिक्त पदांपैकी 10 टक्के पदभरतीच्या जाहिराती निघणार आहेत. शालेय शिक्षण मंत्री दीपक केसरकर (Deepak Kesarkar) यांनी राज्यात शिक्षक भरती करणार असल्याची घोषणा केली होती. ही भरती म्हणजे शिंदे सरकारचा मास्टर स्ट्रोक मानला जात होता.

राज्य शालेय शिक्षण विभागाकडून पहिल्या टप्प्यात 30 हजार शिक्षकांची भरती (Teacher Recruitment) करणार असल्याचे शिक्षणमंत्री केसरकर यांनी सांगितले होते. मागच्या काही काळातील सर्वात मोठी शिक्षक भरती करणार असल्याचा निर्णय त्यांनी घेतला होता. मात्र ही पदभरती रखडली होती. आता यापद भरतीवर होणार आहे. या पद भरतीमध्ये ZP च्या शाळांमधील 22 हजार पदांचा समावेश आहे.

जिल्हा परिषद शाळेतील शाळांमधील तीस हजार पदे भरण्यात येणार असल्यामुळे शिक्षकांवरील अतिरिक्त ताण कमी होणार आहे. नवीन राष्ट्रीय शिक्षण धोरणानुसार राज्य शासनाने राज्यातील मुला-मुलींना समान व गुणवत्ता पूर्ण शिक्षण देण्याबाबत महत्त्वपूर्ण निर्णय घेतला होता. त्यानुसारच ही पद भरती जुलै अखेर किंवा ऑगस्टच्या पहिल्या आठवड्यात होणार आहे.