Ajit Pawar funeral : विमान अपघातात उपमुख्यमंत्री अजित पवार यांचे निधन झाले आहे. त्यांच्या पार्थिवावर उद्या (गुरुवार) विद्या प्रतिष्ठाणच्या मैदानावर अंत्यसंस्कार करण्या येणार आहेत. त्यांचे पार्थिवाचे आज सायंकाळी चार वाजल्यापासून अंत्यदर्शन घेता येणार असल्याचे राजेंद्र पवार यांनी सांगितले.
अजित पवारांचे पार्थिव दुपारी 4 वाजेपासून रात्री उशिरापर्यंत विद्या प्रतिष्ठान, विद्या नगरी चौक येथे अंतिमदर्शनासाठी ठेवण्यात येणार आहे. त्यानंतर उद्या (दि. 29) सकाळी 9 वाजता गदीमा सभागृहापासून अंत्ययात्रेला सुरूवात होणार असून, गदिमा सभागृह, विद्या प्रतिष्ठान चौक, भिगवण रोड सेवा रस्ता मराठी शाळेच्या गेटने विद्या प्रतिष्ठानच्या गेटवर जाईल. त्यानंतर 11 वाजता अजित पवारांच्या पार्थिवावर विद्या प्रतिष्ठानच्या मैदानावर अंत्यसंस्कार केले जाणार आहेत.
मुख्यमंत्री देवेंद्र फडणवीस, उपमुख्यमंत्री एकनाथ शिंदे यांच्यासह राज्यभरातील नेते या अंत्यसंस्काराच्या वेळी उपस्थित राहणार आहेत. सुत्रांनी दिलेल्या माहितीनुसार पंतप्रधान नरेंद्र मोदी आणि गृहमंत्री अमित शाह हे देखील अंत्यसंस्काराच्या वेळी उपस्थित राहण्याची शक्यता आहे.
अजित पवारांच्या निधनाची बातमी समजतात महाराष्ट्राच्या राजकीय, सामाजिक क्षेत्रात शोककळा पसरली आहे. बारामती आणि बीडमध्ये बंद पाळण्यात आला. लोकसभेत देखील अजित पवार यांना श्रद्धांजली अर्पण करण्यात आली.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.