Ajit Pawar NCP : भाजपकडून अजितदादांची पुरती कोंडी? राष्ट्रवादीची फरफट, मित्रपक्षाकडून मिळेना भाव...

Pune News : उपमुख्यमंत्री तथा राष्ट्रवादी काँग्रेस पक्षाचे (अजित पवार गट) राष्ट्रीय अध्यक्ष अजित पवार हे पक्षाच्या पदाधिकाऱ्यांना आगामी महापालिका निवडणुका स्वबळावर लढण्याचे वारंवार निर्देश देत आहेत. तरीही २०२४ च्या पक्षफुटीमुळे निर्माण झालेली कमकुवात स्थिती आणि चार सदस्यीय प्रभाग पद्धतीमुळे पक्षातील बहुतांश नेते-कार्यकर्ते एकट्याने निवडणूक लढण्याच्या तयारीत दिसत नाहीत. त्यामुळे सध्या वरिष्ठ पदाधिकारी दोन हाना पण आपलं म्हणा अशाच भूमिकेत असल्याचे पहिला मिळत आहे.

त्यामुळे भाजपबरोबर युती किंवा शरद पवार गटाच्या राष्ट्रवादीशी आघाडी असे पर्याय शोधले जात आहेत. पण दोन्ही मोठ्या पक्षांकडून सध्या तरी कोणताही सकारात्मक प्रतिसाद मिळत नसल्याने अजित पवारांच्या राष्ट्रवादीला महापालिका निवडणुकीच्या रिंगणात मोठी कसरत करावी लागण्याची चिन्हे आहेत, असे पक्षांतर्गत सूत्रांचे म्हणणे आहे.

महापालिकेची निवडणूक साडेतीन वर्षानंतर होणार आहे. महापालिकेची निवडणूक चार सदस्यीय प्रभाग पद्धतीने घेण्याचा निर्णय राज्य शासनाने घेतल्याने प्रभागरचनेवर सत्ताधाऱ्यांचा प्रभाव राहणार हे निश्चित होते. तसेच चित्र प्रभागरचना पाहता लक्षात येते. प्रभागरचना तयार करताना सत्तेतील पक्ष म्हणून अजित पवारांच्या राष्ट्रवादीला विचारात घेतले जाईल, अशी अपेक्षा त्यांचे नेते व पदाधिकाऱ्यांना होती.

मात्र, राज्याच्या सत्तेमध्ये मोठा भाऊ असलेल्या भाजपने राष्ट्रवादीसह शिंदेंच्या शिवसेनेलाही प्रभाग रचना करताना डावल. यामुळे नाराज झालेल्या अजित पवार यांनी महापालिका स्वबळावर लढण्यासाठी तयारी करा अशा सूचना नेत्यांना व पदाधिकाऱ्यांना दिल्या आहेत. मात्र, पक्षातच झालेले दोन तुकडे आणि चार सदस्यीय प्रभाग रचना यामुळे मागील सभागृहातील नगरसेवकांची संख्या कायम ठेवण्याचे आव्हान अजित पवार यांच्यासमोर येऊन ठेपल आहे.

राष्ट्रवादीमधील सूत्रांनी दिलेल्या माहितीनुसार महापालिकेची निवडणूक स्वबळावर लढल्यास पूर्वीचे संख्याबळ कायम ठेवणेची शक्यता कमी आहे, त्यामुळे राष्ट्रवादीकडून नगरसेवकांची संख्या जेवढी होती, तेवढ्याच जागा सोडण्याचा प्रस्ताव भाजपला देण्यात आला होता. मात्र, त्यावर देखील भाजपकडून कोणताच प्रतिसाद मिळाला नाही.

हाही विचरेना आणि तोही घेईना

भाजपसोबत युतीचा प्रयत्न फसत असल्याचे लक्षात येताच शरद पवार यांच्या राष्ट्रवादीशी जुळून घेण्याचा प्रयत्न सुरू आहेत. दोन राष्ट्रवादी एकत्र लढल्यास मत विभागणी होणार नाही. मागील निवडणुकीतील नगरसेवकांची संख्या कायम ठेवून या संख्येत भर घालता येऊ शकते. मात्र, शरद पवारांच्या राष्ट्रवादीकडून अपेक्षित प्रतिसाद मिळालेला नाही. त्यामुळे अजित पवारांच्या राष्ट्रवादीची सध्या तरी फरफट सुरू असल्याचे चित्र पुण्यात पाहायला मिळत आहे.