Balasahebanchi Shivsena : शक्तिप्रदर्शनाव्दारे ठाकरे गटाला आव्हान देण्याचा शिंदे गटाचा डाव फसला!

पुणे : पुण्यात बाळासाहेबांची शिवसेनेचा पहिल्या जाहीर मेळाव्याचे आयोजन करण्यात आले होते. या मेळाव्यात मुख्यमंत्री एकनाथ शिंदे (Eknath Shinde) यांचे चिंरजीव व खासदार श्रीकांत शिंदे यांनी राज्यपालांसह विरोधी पक्षाच्या नेत्यांवर टोकेची झोड उठवली. यावेळी त्यांनी भाजप नेत्यांचे देखील कोन टोचले. मात्र, हा शिंदे गटाचा पहिला मेळावा राजकीय वर्तुळात चर्चेचा विषय ठरला आहे. (Shrikant Shinde latest news)

बाळासाहेबांच्या शिवसेनेचे नेते व खासदार डॉ. श्रीकांत शिंदे यांच्या नेतृत्वाखाली आज पुण्यात मेळावा झाला. या मेळाव्याला शिरूरचे माजी खासदार शिवाजीराव आढळराव पाटील, मावळचे खासदार श्रीरंग बारणे यांच्यासह शिंदे गटातील अनेक नेते पदाधिकारी उपस्थित होते. मात्र, शिंदे गटाच्या या पहिल्या मेळाव्याकडेच कार्यकर्त्यांचा प्रतिसाद हा अल्प होता. यामुळे चर्चांना उधाण आलं आहे.

शिवसेनेतील बंडखोरीनंतर ठाकरे गट आणि शिंदे गटाकडून सातत्याने एकमेकांवर आरोप-प्रत्यारोपांच्या फैरी झडत आहेत. छोट्या मोठ्या पक्षातील नेत्यांच्या भेटीगाठी,पक्षप्रवेश, मेळावे, बैठका यांसारख्या माध्यमातेन दोन्ही गटाकडून एकमेकांना आव्हान देखील दिले जात आहेत. याच पार्श्वभूमीवर पुण्यात देखील शिंदे गटाकडून मेळाव्याचे आयोजन करण्यात आले होते. या मेळाव्याद्वारे शिंदेगटाकडून शक्तिप्रदर्शन पुण्यातील ताकद दाखविण्याच प्रयत्न होता. मात्र. तो फसल्याचं दिसून आले.

मंत्रिमंडळ विस्ताराबाबत श्रीकांत शिंदे यांचं सूचक वक्तव्य

सकाळी उठलं की लाऊड स्पिकर सुरू होतो. नेमका कोणाचा लाऊड स्पिकर हे राज्यातील जनतेला माहिती आहे. मला नाव घेण्याची गरज नाही. सर्वांची सकाळ कोण खराब करत आहे. हे सर्वाना माहिती असल्याचे म्हणत श्रीकांत शिंदेनी संजय राऊतांना टोला लगावला. शिंदे गटातील काही आमदार नाराज असल्यामुळे मंत्रिमंडळ विस्ताराला विलंब लागत असल्याची चर्चा सुरु होत्या. श्रीकांत शिंदेनी याबाबत स्पष्टीकरण दिले आहे. शिंदे गटातील, कोणीही नाराज नसून मुख्यमंत्री आणि उपमुख्यमंत्री लवकरच मंत्रिमंडळ विस्तार करतील, असे शिंदे म्हणाले.