Indapur Indreshwar Marathon News : इंदापूरमध्ये आज आयोजित इंद्रेश्वर मॅरेथॉनला राजकीय रंगत चढली. राज्याचे कृषिमंत्री दत्तात्रय भरणे आणि माजी मंत्री हर्षवर्धन पाटील यांनी संयुक्त उपस्थिती लावत सर्वांचे लक्ष वेधून घेतले. दिवसेंदिवस भरणे व पाटील यांची बहरणारी मैत्री राज्यभर चर्चेचा विषय ठरत आहे. हे दोन्ही नेते जिल्हा परिषद आणि पंचायत समिती निवडणुकांच्या पार्श्वभूमीवर आता एकत्र आले असून, त्यांनी मॅरेथॉनमध्ये झुंबा डान्स करत आणि 3 किमी धाव घेत स्पर्धकांचा उत्साह वाढवल्याचे पहायला मिळाले.
राजकारणातील कट्टर विरोधक म्हणून ओळखले जाणारे भरणे आणि पाटील यांनी रविवारी (ता.25) मॅरेथॉनच्या मैदानावर एकत्र येऊन मैत्रीपूर्ण वातावरण निर्माण केले. उपस्थितांच्या टाळ्यांच्या गजरात दोघांनी झुंबा डान्स केला, ज्यामुळे कार्यक्रमात वेगळीच ऊर्जा संचारली.
यानंतर त्यांनी स्पर्धकांसोबत तीन किलोमीटर धावण्याच्या स्पर्धेत सक्रिय सहभाग घेतला. निवडणुकीच्या रंगतदार वातावरणातही दोन्ही नेत्यांनी वेळ काढून मॅरेथॉनला हजेरी लावली. स्पर्धकांशी संवाद साधताना त्यांनी आरोग्य, खेळ आणि युवा विकासावर भर दिला.
"राजकारणात वैर नसते, फक्त विचारांची लढाई असते," असे संदेश देत त्यांनी एकजुटीचे प्रतीक म्हणून हे सहभाग दाखवले. इंदापूर तालुक्यातील राजकीय समीकरण बदलत असताना भरणे-पाटील यांची ही एकत्रित उपस्थिती आणि उत्साही सहभाग चर्चेचा विषय ठरला आहे.
मॅरेथॉन आयोजकांनीही या दोन्ही नेत्यांच्या उपस्थितीमुळे कार्यक्रम अधिक यशस्वी झाल्याचे सांगितले. युवा आणि खेळप्रेमींसाठी ही घटना प्रेरणादायी ठरली असून, सोशल मीडियावरही त्यांचा झुंबा डान्स आणि धावण्याचे फोटो-व्हिडीओ व्हायरल होत आहेत.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.