Chinchwad By-Election : कलाटेंच्या बंडखोरीवर अजितदादा म्हणाले, "ऐकायचं की नाही..."

Chinchwad By-Election : पिंपरी चिंचवड विधानसभा पोटनिवडणुकीच्या पार्श्वभूमीवर अनेक नाट्यमय़ घडामोडी घडत आहेत. राष्ट्रवादी उमेदवार नाना काटे यांनी महाविकास आघाडीचे म्हणून उमेदवारी दाखल केलं असताना, या ठिकाणी शिवसेनेचे नगरसेवक राहुल कलाटे यांनी अपक्ष उमेदवारी दाखल केली आहे. कलाटेंची समजूत काढण्याचा प्रयत्न आता निष्फळ ठरल्याने महाविकास आघाडीची चिंता वाढली आहे. यावर विरोधीपक्षनेते अजित पवार (Ajit Pawar) यांनी प्रतिक्रिया दिली आहे.

अजित पवार म्हणाले, "चिंचवडसाठी १० उमेदवार इच्छुक होते, शिवसेनेचे राहुल कलाटे यांच्याशी देखील मी बोललो. त्यानंतरच उमेदवारीबाबत अंतिम निर्णय झाला. महाविकास आघाडीचे उमेदवार म्हणून नाना काटे यांची घोषणा करण्यात आली होती. आता राहुल कलाटे यांना समजवण्याचा आम्ही प्रयत्न करू. मात्र आता, ऐकायचं की नाही हा त्यांचा प्रश्न आहे."

दरम्यान, राहुल कलाटे यांनी उमेदवारी अर्ज दाखल करण्यापूर्वी डांगे चौकातील छत्रपती शिवाजी महाराजांच्या प्रतिमेला वंदन केले. तुम्ही कोणाचे उमेदवार असं विचारल्यावर ते म्हणाले. “मी पिंपरी चिंचवड महापालिकेत शिवसेनेचा गटनेता आहे. मी शिवसेना पक्षाकडून नगरेसवक म्हणून निवडून आलो आहे. मात्र आपण महाविकास आघाडीकडे उमेदवारीचा मागितली होती. मला आशा होती की, महाविकास आघाडी म्हणून माझ्या उमेदवारीचा विचार केला जाईल. कारण २०१९ मध्ये मी शिवसेना बंडखोर म्हणून अपक्ष निवडणूक लढवलो. मला चिंचवडमधील जनतेनेकडून प्रचंड प्रेम मिळालं. तब्बल १ लाख १२ हजारांच्या पेक्षा जास्त मते मला मिळाली होती."

आज नाना काटे यांचा उमेदवारा अर्ज दाखल करताना तिथे शिवसेनेचे स्थानिक नेते उपस्थित आहेत आता शिवसेना ठाकरे गटाची भूमिका काय असे विचारले असता ते म्हणाले, शिवसैनिक माझ्याच सोबत, असं म्हणत उत्तर दिलं. राष्ट्रवादीचे आमदार सुनील शेळके यांनी कलाटे यांची भेट घेतली होती. त्यांचा मन वळवण्याच प्रयत्न केला. मात्र यामध्ये शेळकेंना यश आलेले नाही. त्यांचे प्रयत्न निष्फळ ठरले.