Pimpri-Chinchwad News : केंद्रीय गृह आणि सहकारमंत्री अमित शाह (Amit Shah) हे महाराष्ट्राचे (कोल्हापूर) जावई असल्याचे सर्वांना माहिती आहे. त्यामुळेच ते गुजरातचे असले, तरी त्यांचे सासूरवाडीवर जास्त प्रेम आहे, असे उपमुख्यमंत्री अजित पवार केंद्रीय सहकार संस्था निबंधक (CRCS) कार्यालयाच्या पोर्टल उद्घाटन सोहळ्यात आज (ता.६) चिंचवडमध्ये म्हणाले. तर, अनेकांना माहिती नसलेले शाहांचे महाराष्ट्राशी असलेले दुसरे नातेही उपमुख्यमंत्री देवेंद्र फडणवीस (Devendra Fadnavis) यांनी याच कार्यक्रमात सांगताच सगळ्यांना आश्चर्य वाटले.
या कार्यक्रमात मुख्यमंत्री एकनाथ शिंदे (Eknath Shinde) आणि दोन्ही उपमुख्यमंत्र्यांनी आपल्या भाषणात शाह आणि पंतप्रधान नरेंद्र मोदींचे तोंडभरून कौतूक केले. तिघेही हिंदी, मराठीत बोलले. पहिले भाषण करण्याचा मान अजितदादांना मिळाला. त्यात १५ मिनिटात त्यांनी मोठी टोलेबाजी केली. जावयाचे सासरवाडीवर जास्तच प्रेम असते, असे सांगत शाह यांचेही ते आहे, असे ते म्हणताच त्याला मोठी दाद मिळाली.
अजितदादांनंतर फडणवीस दहा मिनिटे बोलले. त्यात त्यांनी अजितदादांच्या भाषणातील शाहांच्या महाराष्ट्रावरील प्रेम आणि नात्याचा संदर्भ आणखी पुढे नेला. हे नाते कसे आणि किती महत्वाचे तसेच घट्ट आहे, हे सांगितले. शाह यांचा जन्म मुंबईत झाल्याची माहिती त्यांनी दिली. तसेच त्यांनी आपला कारखाना महाराष्ट्रातच सुरु केल्याचे सांगितले. त्यातून त्यांची कर्मभमी गुजरात असली, तरी जन्मभमी मुंबई तथा महाराष्ट्र आहे, असे त्यांनी सांगताच उपस्थितांना आश्चर्य वाटले. त्यांचा सहकाराशी असलेला सबंधही त्यांनी विशद केला. ते गुजरातमध्ये जिल्हा सहकारी आणि राज्य सहकारी बॅंकेचेही अध्यक्ष होते, असे फडणवीस म्हणाले.
राज्य साखर महासंघाने यावेळी शाह यांचा पुणेरी पगडी, शाल आणि पुष्पगुच्छ देऊन सत्कार केला. त्यांनी रिमोटव्दारे पोर्टलचे उद्घाटन केले. आपल्या भाषणात त्यांनी अजित पवारांचा उल्लेख अजितदादा पवारसाहब (Ajit Pawar) असा केला. पुढे त्यांनी राज्यातील सहकारमहर्षींची नावे घेत त्यांचे योगदान सांगितले. सहकार चळवळीवरही बोलले. सहकार क्षेत्र अधिक पारदर्शी करणार असल्याचे सांगत त्यासाठी महाराष्ट्रातील सहकारी संस्थांचे संगणकीकरण आता करणार असल्याचे स्पष्ट केले.
Edited by : Amol Jaybhaye
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.