Ranjan Taware's Defeat : ‘माळेगाव’चे माजी अध्यक्ष रंजन तावरेंचा धक्कादायक पराभव; अजितदादांच्या शिलेदारांनी बालेकिल्ल्यातच केले चितपट

Malegaon Sugar Factory Election Result : ऊस उत्पादक मतदारसंघाचा माळेगाव, सांगवी हा भाग चंद्रराव तावरे आणि रंजन तावरे यांचा बालेकिल्ला समजला होता. या गटातून तावरे यांना नेहमी पाठबळ मिळत आले आहे. या गटातही या निवडणुकीत अजित पवार यांच्या पॅनेलने निर्विवाद वर्चस्व मिळविले आहे.
Ranjan Taware
Ranjan TawareSarkarnama
Published on
Updated on

Baramati, 25 June : माळेगाव सहकारी साखर कारखान्याच्या निवडणुकीत माजी अध्यक्ष रंजन तावरे यांना बालेकिल्ला मानले गेलेल्या माळेगाव ऊस उत्पादक गटातून धक्कादायकरित्या पराभवाला सामोरे जावे लागले आहे. तावरे यांचा बालेकिल्ला समजल्या जाणाऱ्या माळेगाव गटात उपमुख्यमंत्री अजित पवार यांच्या तीनही उमेदवारांनी बाजी मारली आहे. रंजन तावरे यांचा झालेला पराभव हा विरोधकांसाठी चिंता व्यक्त करायला लावणारा आहे.

माळेगाव सहकारी साखर कारखान्याची मतमोजणी अत्यंत संथगतीने सुरू आहे. मंगळवारी (ता. २४ जून) सकाळपासून सुरू झालेले मतमोजणी बुधवारी (ता. २५ जून) दुपारी दोननंतरही सुरू होती. दुपारी दोनपर्यंत अजित पवार गटाच्या उमेदवारांनी इतर मागास प्रवर्ग, भटक्या विमुक्त जाती जमाती, महिला राखीव, अनुसूचित जाती जमाती आणि ऊस उत्पादक मतदारसंघाच्या माळेगाव गटातून विजय मिळवला होता.

माळेगाव गटात नीलकंठेश्वर पॅनेलचे शिवराज जाधवराव यांना 8612, बाळासाहेब तावरे यांना 7946 तर राजेंद्र बुरुंगले यांना 8116 मते मिळाली. रंजन तावरे यांना 7353, संग्राम काटे यांना 6701 तर रमेश गोफणे यांना 6302 मते मिळाली. यंदा रंजन तावरे यांना पराभवाला सामोरे जावे लागले.

ऊस उत्पादक मतदारसंघाचा माळेगाव, सांगवी हा भाग चंद्रराव तावरे आणि रंजन तावरे यांचा बालेकिल्ला समजला होता. या गटातून तावरे यांना नेहमी पाठबळ मिळत आले आहे. या गटातही या निवडणुकीत अजित पवार यांच्या पॅनेलने निर्विवाद वर्चस्व मिळविले आहे. तावरे यांना बालेकिल्ल्यातच अपेक्षित साथ न मिळाल्याने रंजन तावरे यांना पराभवाला सामोरे जावे लागले आहे.

आजपर्यंत वर्चस्व राखलेल्या माळेगाव, पणदरे, सांगवी या भागातही तावरे यांना अपेक्षित मते मिळाली नाहीत, त्यामुळे विरोधी म्हणजे पवारांचे वर्चस्व असलेल्या बारामती, शिरवली खांडज, नीरा वागज या भागात तावरे यांना तेवढा प्रतिसाद मिळत अशक्य होते, त्यामुळे माळेगाव कारखान्याचे माजी अध्यक्ष रंजन तावरे यांचा धक्कादायकरित्या झालेला पराभव हा या निवडणुकीचे वैशिष्ट्य ठरले आहे.

माळेगावच्या भटक्या विमुक्त जाती व जमाती विशेष मागास मतदारसंघातून नीलकंठेश्वर पॅनेलचे विलास ऋषीकांत देवकाते 2194 मतांनी विजयी झाले. विलास देवकाते यांना 8972 तर विरोधी सहकार बचाव पॅनेलचे सूर्याजी देवकाते यांना 6598 मते मिळाली. ब वर्गातून खुद्द अजित पवार हे विजयी झाले आहेत.

इतर मागासप्रवर्गातून नीलकंठेश्वरचे नितीन वामनराव शेंडे 1153 मतांनी विजयी झाले. त्यांना 8494 तर सहकार बचाव पॅनेलचे रामचंद्र नाळे यांना 7341 मते मिळाली. अनुसूचित जाती जमाती मतदारसंघातील नीलकंठेश्वर पॅनेलचे रतनकुमार भोसले हे 1487 मतांनी विजयी झाले. त्यांनी सहकार बचाव पॅनेलच्या बापूराव गायकवाड यांचा पराभव केला. भोसले यांना 8670 तर गायकवाड यांना 7183 मते मिळाली.

महिला राखीव प्रवर्गात नीलकंठेश्वर पॅनेलच्या संगीता कोकरे व ज्योती मुलमुले यांनी सहकार बचाव पॅनेलच्या राजश्री कोकरे व सुमन गावडे यांचा पराभव केला. संगीता कोकरे यांना 8440 तर ज्योती मुलमुले यांना 7576 तर राजश्री कोकरे यांना 7485 व सुमन गावडे यांना 6099 मते मिळाली.

Edited By : Vijay Dudhale

सरकारनामाचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुकट्विटरइन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Politics News on Sarkarnama
sarkarnama.esakal.com