Maharashtra Politics: महापालिकेसाठी उमेदवारी पाहिजे? लोकसभेला प्रभागात 'लीड' मिळवून द्या! इच्छुकांना ॲाफर

Zilla Parishad Election: ज्या मतदारसंघात, गटात, गणात मतदानाची टक्केवारी, लीड कमी असेल तेथील इच्छुकांना उमेदवारी देण्यात येणार नाही, असा सज्जड दम पक्षश्रेष्ठींना दिला आहे.
Maharashtra Political Parties
Maharashtra Political PartiesSarkarnama

Pune News : निवडणुकांचा हंगाम पुढील दोन वर्ष सुरु राहणार आहे. राज्यातील स्थानिक स्वराज संस्थांच्या निवडणुका 2022 पासून झालेल्या नाहीत. लोकसभा निवडणुकीनंतर नोव्हेंबर-डिसेंबर विधानसभा निवडणुका होतील, अशी शक्यता आहे. तर 2025 मध्ये टप्प्याटप्प्याने नगरपालिका, महापालिका, जिल्हा परिषद, पंचायत समितीच्या निवडणुका होतील असा अंदाज आहे.

लोकसभा निवडणुकीच्या प्रचारासाठी कार्यकर्त्यांना जुंपण्यासाठी राजकीय पक्षांकडून आता स्थानिक स्वराज्य संस्था, विधानसभा निवडणुकीच्या उमेदवारीचे आमिष दाखवले जात आहे. या निवडणुकीत पक्षाच्या उमेदवाराला मताधिक्य दिल्यास जिल्हा परिषद, पंचायत समिती, महापालिका निवडुकामध्ये तिकीट मिळणार, असे सांगण्यात येत आहे.स्थानिक स्वराज संस्थांच्या निवडणुकांसाठी इच्छुक असलेल्यांचा उपयोग पक्षश्रेष्ठी करीत आहेत.

Maharashtra Political Parties
Waikar Vs kirtikar: ईडीच्या रडारवर असलेल्या दोन शिवसैनिकांमध्ये कुस्ती; निष्ठावान की गद्दार, मतदारांचा कौल कुणाकडे?

उमेदवारी पाहिजे असेल तर आपल्या भागातून, विधानसभा मतदारसंघातून लोकसभेचा लीड मिळवून द्या, अशी ॲाफर पक्षांकडून पदाधिकाऱ्यांना देण्यात येत आहे. ज्या मतदारसंघात, गटात, गणात मतदानाची टक्केवारी, लीड कमी असेल तेथील इच्छुकांना उमेदवारी देण्यात येणार नाही, असा सज्जड दम पक्षश्रेष्ठींना दिला आहे. यामुळे जिल्हा परिषद, पंचायत समिती, विधानसभेसाठी इच्छुकांच्या खांद्यावर प्रचाराची मोठी धुरा आहे.

प्रभागातून उमेदवाराला किती मतदान झाले, त्याचा सखोल अभ्यास भाजपकडून करण्यात येणार आहे. त्यानंतर संबधीत इच्छुकाला जिल्हापरिषद, आमदारकीचे तिकीट द्यायचे की नाही, याचा निर्णय घेतला जाणार असल्याच्या सूचना भाजपचे राष्ट्रीय सरचिटणीस विनोद तावडे यांनी नुकत्याच ठाण्यात दिल्या आहेत.

पक्षाकडून मतदारसंघात दिलेले टार्गेट जिल्हापरिषद, नगरपालिका, महापालिका, पंचायत समिती निवडणुकीसाठी आहे, याकडे पक्षाने लक्ष वेधले आहे. त्यामुळे या निवडणुकांसाठी इच्छुक असलेले सर्वच जण जोरदारपणे प्रचाराच्या कामाला लागले आहेत.

(राजकारणातील महत्त्वाच्या बातम्यांचे अपडेट्ससाठी सरकारनामाचे अधिकृत WhatsApp चॅनल फॉलो करा!)

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुकट्विटरइन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Politics News on Sarkarnama
sarkarnama.esakal.com