Pune News : मराठा आरक्षण आंदोलनाचे नेते मनोज जरांगे पाटील यांनी आज पुण्यातील भोर तालुक्यातील ऐतिहासिक रायरेश्वर किल्ल्याला भेट दिली. रिमझिम पावसात आणि दाट धुक्यात मराठा बांधवांसह त्यांनी किल्ल्याची अवघड वाट चढून किल्ल्यावर पोहोचत छत्रपती शिवाजी महाराजांनी हिंदवी स्वराज्याची शपथ घेतलेल्या शिवमंदिरात विधिवत पूजा केली.
यावेळी शिवलिंगाचा अभिषेक करत त्यांनी स्वराज्याच्या या पवित्र भूमीतून मराठा आरक्षणासाठी ठाम निश्चय व्यक्त केला.रायरेश्वर किल्ल्यावरील शिवमंदिराच्या पायऱ्यांजवळ पोहोचताच अंगावर काटा आल्याची भावना मनोज जरांगे पाटील (Manoj Jarange Patil) यांनी व्यक्त केली.
“या पवित्र भूमीत पाऊल ठेवताच ऊर्जा आणि भयंकर शक्ती मिळाली,” असे सांगत त्यांनी मराठा समाजाच्या आरक्षणासाठी (Maratha Reservation) 29 ऑगस्टला मुंबईत होणाऱ्या आंदोलनाची तयारी पक्की असल्याचे जाहीर केले. “29 ऑगस्टला आरक्षणाचा गुलाल उधळणार, ओबीसी कोट्यातून आरक्षण घेऊनच परत येणार. हे स्वराज्याच्या शपथ भूमीतून ठरवलंय,” असे ठामपणे नमूद करत जरांगे यांनी आंदोलनाची दिशा स्पष्ट केली.
यावेळी त्यांनी रायरेश्वर किल्ल्याच्या विकासाकडेही लक्ष वेधले. “या ऐतिहासिक किल्ल्याचा विकास अद्याप हवा तेवढा झालेला नाही. छत्रपती शिवाजी महाराजांनी स्वराज्याची शपत घेतलेली ही भूमी आहे. येथील विकासासाठी मी सरकारमधील सर्व नेत्यांशी बोलणार आहे. आता मी रायरेश्वर किल्ल्याच्या विकासाच्या मागे लागलोय,” असे जरांगे यांनी सांगितले.
मराठा आंदोलक मनोज जरांगे यांनी मराठवाड्यासह राज्यभरात चावडी सभांच्या माध्यमातून मराठा समाजाला एकत्रित करण्याचे प्रयत्न सुरू केले आहेत. 27 ऑगस्टपासून अंतरवाली सराटी येथून सुरू होणारा मराठा मोर्चा 29 ऑगस्टला मुंबईतील मंत्रालयावर धडकणार आहे. यावेळी लाखो मराठा बांधव रस्त्यावर उतरतील, असा दावा त्यांनी केला आहे.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.