Ladki Bahin Yojana : जागतिक महिलादिनाच्या पूर्वसंध्येलाच लाडक्या बहिणींना सरकारकडून मोठ गिफ्ट मिळणार आहे. महिला लाभार्थ्यांना त्या दिवशी फेब्रुवारी आणि मार्च असे दोन महिन्यांचे तीन हजार रुपये आज मिळणार आहेत.
दोन्ही महिन्याचा हप्ता आज त्यांच्या खात्यात जमा होणार आहे. उद्या महिलादिन असून महिलादिनाच्या पूर्वसंध्येला आज 'मुख्यमंत्री माझी लाडकी बहीण' योजनेतील लाभार्थी महिला आंनदी आहेत.
आत्तापर्यंत 9 लाख महिला योजनेतून अपात्र ठरल्या आहेत. योजनेतील लाभार्थी महिलांच्या कागदपत्रांची तपासणी सुरु होती. त्यामुळे फेब्रुवारी महिन्यात लाभार्थींच्या खात्यात रक्कम जमा झाली नव्हती. ही रक्कम जमा होणार की नाही, याबाबत महिलांचा मनात शंका होती. दोन दिवसापूर्वी महिला आणि बालविकास मंत्री अदिती तटकरे यांनी याबाबत घोषणा केली. दोन महिन्याचे पैसे 7 मार्चला जमा होतील,असे त्यांनी जाहीर केले होते.
निवडणुकीच्या काळात महायुती सरकारने लाडकी बहीण योजनेत वाढ करून 2100 रुपये देण्याचे आश्वासन दिले होते. मात्र, अजूनही 2100 रुपये देण्याचे आश्वासन सरकारने पूर्ण केले नाही.
याबाबत राज्याच्या महिला आणि बालविकास मंत्री आदिती तटकरे यांनी अर्थसंकल्पीय अधिवेशनात 2100 रुपये देण्याची कोणतीही घोषणा केलेली नसल्याचे स्पष्ट केले आहे. त्यामुळे विरोधकांनी सरकारवर जोरदार टीका केली.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.