Pune Election Results live: शरद पवारांना सोडून 16 दिवसांत प्रशांत जगताप काँग्रेसचे नगरसेवक : अटीतटीच्या लढतीत भाजपच्या दिग्गज उमेदवाराचा पराभव

Pune Election Result 2026: महापालिका निवडणुक जाहीर झाल्यानंतर पुण्यात दोन्ही राष्ट्रवादी काँग्रेस एकत्र येण्यावरुन वाद निर्माण झाला. त्याला राष्ट्रवादी काँग्रेस शरदचंद्र पवार पक्षाचे शहराध्यक्ष प्रशांत जगताप यांनी विरोध केला. ऐन निवडणुकीत प्रशांत जगताप यांनी शरद पवार यांची साथ सोडून काँग्रेसचा हात धरला होता. मुंबईत त्यांचा काँग्रेस प्रवेश झाला होता.

वानवडी-सांळूखे विहार परिसरातून प्रशांत जगताप हे काँग्रेसकडून मैदानात होते. त्यांच्या विरोधात काँग्रेसचे माजी मंत्री बाळासाहेब शिवरकर यांचे चिरंजीव अभिजीत शिवरकर होते. जगताप यांनी शिवरकर यांना पराभवाची धुळ चारली आहे.

मात्र त्याच प्रभागातील दुसऱ्या गटातून निवडणुकीच्या मैदानात असलेल्या त्यांच्या आई रत्नप्रभा जगताप यांचा मात्र पराभव झाला आहे. अभिजित शिवरकर हे काँग्रेसमधून भाजपमध्ये गेले होते. विजयानंतर जगताप यांनी काँग्रेसच्या नेत्यांचे आभार मानले आहे.

माझ्या जुन्या पक्षातील (शरद पवार यांची राष्ट्रवादी काँग्रेस) काही नेत्यांनी मला पाडण्यासाठी खूप प्रयत्न केले. पण ते यशस्वी झाले नाहीत. शिव-शाहू-फुले-आंबेडकर यांच्या विचाराचा हा विजय आहे, असे प्रशांत जगताप म्हणाले.

वानवडी साळुंके विहार निवडणूक निकाल..

विजयी उमेदवार..

प्रशांत दादा जगताप (काँग्रेस)

साहिल केदारी (काँग्रेस)

कालिंदी पुंडे (भाजपा)

कोमल शेंडकर (भाजपा)

पुणे

भाजप-५०

राष्ट्रवादी- ५

कांग्रेस- ५