Suhas Diwase News : पुण्याचे कलेक्टर देशमुखांना बदलले, अजितदादांनी दिवसेंना मेनस्ट्रीममध्ये आणले, कलेक्टरांच्या खुर्चीत बसवले

Pune Collector News : पुण्याचे कलेक्टर राजेश देशमुख यांची बदली करण्यात आली असून, त्यांच्या जागी अजितदादांचे जवळचे आयुक्त सुहास दिवसे यांची कलेक्टर म्हणून नेमणूक करण्यात आली आहे. तर राजेश देशमुख यांना सुहास दिवसेंच्या जागी क्रीडा व युवक कल्याण आयुक्त पद देण्यात आले आहे.

मागील काही दिवसांपासून राजेश देशमुखांच्या बदलीची चर्चा होतीच. अखेर दिवसेंना आता मेनस्ट्रीममध्ये काम करण्याची संधी मिळाली आहे. उपमुख्यमंत्री अजित पवारांच्या जवळचे असल्याने दिवसे यांना ही मोठी संधी मिळाल्याचं बोललं जात आहे.

(राजकारणातील महत्त्वाच्या बातम्यांचे अपडेट्ससाठी सरकारनामाचे अधिकृत WhatsApp चॅनल फॉलो करा!)

सुहास दिवसेंचा क्रीडा व युवक कल्याण आयुक्तपदाचा कार्यकाळ संपला होता, त्यामुळे त्यांच्या बदलीची चर्चा होती. शिवाय ते पुणे महापालिक आयुक्त होतील, असंही बोललं जात होतं. मात्र त्यांना अजितदादांनी कलेक्टर पदावर बसवलं आहे.

ठाकरे सकारच्या काळात दिवसेंकडे पीएमआरडीएच्या आयुक्त पदाची जबाबदारी होती. तेव्हाही अजित पवारांमुळे त्यांना हे पद मिळालं होतं. त्यानंतर राज्यात सत्तांतर झाले आणि त्यांच्याकडे क्रीडा व युवक कल्याण आयुक्त पद सोपवण्यात आलं. मात्र, आता अजितदादांना दिवसे यांना पुण्याच्या कलेक्टरपदी बसवून एकप्रकारे पुन्हा मेनस्ट्रीमध्येच आणलं आहे.

(Edited by - Mayur Ratnaparkhe)