Pune News : पुण्यात कोयता गँग पुन्हा सक्रिय झाली आहे. भरदिवसा कोयत्याने हल्ल्याच्या घटना घडत आहेत. किरकोळ वादातून कोयते उगारून दहशत माजवली जात आहे. दोन दिवसांपूर्वीच पुण्यातील अतिशय गजबजलेल्या टिळक रस्त्यावर एका तरुणावर हल्ला केल्यानंतर, आता खडकी आणि चंदननगर भागात टोळक्याने कोयते उगारून दहशत माजवली आहे.
(राजकारणातील महत्त्वाच्या बातम्यांचे अपडेट्ससाठी सरकारनामाचे अधिकृत WhatsApp चॅनल फॉलो करा!)
या ठिकाणी झालेल्या हल्ल्याप्रकरणी अक्षय गायकवाड (रा. गवळीवाडा, खडकी बाजार) याने खडकी पोलिस ठाण्यात तक्रार नोंदवली आहे. या प्रकरणी मांडा ऊर्फ शुभम कवाळे, सॅम्युअल पाटोळे व साथीदारांविरोधात गुन्हा दाखल केला आहे.
अक्षय गायकवाड हा मित्रांबरोबर औंध रस्त्यावरील पडाळ वस्ती येथे गेला होता आणि तिथून तो पुन्हा खडकी बाजारकडे निघाला होता. दरम्यान, एका टपरीवर थांबला असता, आरोपींशी अक्षयच्या मित्रांचा वाद झाला.
त्यानंतर शुभम, सॅम्युअल हे त्यांच्या सहकाऱ्यांसह तिथे पोहाेचले आणि या भागात कशाला आला असं विचारलं, यानंतर झालेल्या वादातून आरोपींनी अक्षयचा मिक्ष नीलेश शिगवण याच्या डोक्यात कोयत्याने वार केला आणि अक्षयवरही हल्ला केला. शिवाय दगडफेक करून परिसराता दहशत निर्माण केली. या प्रकरणी पोलिस अधिक तपास करत आहेत.
(Edited by - Mayur Ratnaparkhe)
सरकारनामाचे सदस्य व्हा
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.