Ajit Pawar : "राजकारण लय वंगाळ,म्हणत..." अजित पवारांचा कार्यकर्त्यांना 'दादा' स्टाईल हटके सल्ला! नक्की काय घडलं?

Pune News : पुणे आणि पिंपरी चिंचवड महापालिका निवडणुकांमध्ये उपमुख्यमंत्री अजित पवार यांनी पूर्ण ताकद लावून देखील त्यांच्या पक्षाला अपेक्षित यश मिळालेले नाही. त्यानंतर आता अजित पवार यांनी पक्षाच्या कार्यकर्त्यांना मोलाचा सल्ला दिला आहे आणि राजकारण वंगाळ असल्याचा सांगितला आहे.

महापालिका निवडणुकींचा निकाल लागताच आता जिल्हा परिषद निवडणुकांची रणधुमाळी सुरू झाली आहे. या निमित्ताने आता अजित पवार पुणे जिल्ह्यामध्ये सभा घेताना पाहायला मिळत आहे. अशाच खेड मधील एका सभेमध्ये बोलताना अजित पवार म्हणाले, राजकारण लय वंगाळ आहे. तुम्ही धंदा पाणी करा, मस्तपैकी रहा, मुलांना चांगले शिकवा आणि निर्व्यसनी रहा, असा उपमुख्यमंत्री अजित पवार यांनी कार्यकर्त्यांना सांगितले आहे.

अजित पवार म्हणाले, ज्यांची जमीन एमआयडीसाठी गेली, ते सोडून द्या. त्यासाठी म्हणजेच जमिनीचा मोबदला म्हणून पैसे मिळाले आहेत. ते पैसे निवडणुकीत खर्च करू नका. काहींना पैसे आल्यावर बायकोला निवडणुकीत उभे करू लढ म्हटले. मात्र पैसे संपल्यावर काय करणार? दोन हातांना चुना लावून तो बोंबलत बसा. काही उपयोग नाही. राजकारण लय वंगाळ आहे. तुम्ही धंदा पाणी करा, मस्तपैकी रहा, मुलांना चांगले शिकवा आणि निर्व्यसनी रहा असं अजित पवार म्हणाले.

विधानसभा निवडणुकीत खेड तालुक्यातील जनतेने वेगळा निर्णय घेतला. मी तेव्हा बोलून दाखवले होते की, तुम्ही तुमची जबाबदारी पार पाडा, मी माझी जबाबदारी मी पार पाडतो.' मात्र लोकशाही आहे, मी खोलात जास्त जात नाही. पण आता तुमच्या लक्षात आलेले आहे, शेवटी विकास करणारी आम्ही माणसे आहोत. आम्ही थोडेसे कडक बोलत असू पण आम्ही शब्दांचे पक्के आहोत, असे म्हणत अजित पवार यांनी ठाकरेंच्या सेनेचे आमदार बाबा काळे यांच्यावर निशाणा साधला आहे.

दरम्यान, महापालिकेच्या निवडणुकीत राष्ट्रवादी काँग्रेस आणि राष्ट्रवादी काँग्रेस शरदचंद्र पवार यांचा राष्ट्रवादी पक्ष निवडणुकीत एकत्र लढले. आता जिल्हापरिषद आणि पंचायत समिती निवडणुकीत सुद्धा दोन्ही राष्ट्रवादी एकत्र येणार आल्याचे जवळपास निश्चित झाले आहे. ज्येष्ठ नेते, शरद पवार यांची उपमुख्यमंत्री अजित पवार यांनी गेल्या शनिवारी बारामती येथे भेट घेतली. त्यात दोन्ही राष्ट्रवादी एकत्र लढण्याच्या दृष्टीने चर्चा करण्यात आली