Pune News : पुणेकरांच्या मागण्यांसाठी काँग्रेसचं प्रभू रामांना साकडं; आरती करून सरकारचा विरोध करणार !

Pune Congress : पुणे काँग्रेसच्या वतीने आता रामाच्या आरतीतून या राज्य सरकारला विरोध करण्यासाठी काँग्रेसने साकडं आंदोवल पुकारले आहे. पुणेकर (PUne News) नागरिकांसाठी महत्त्वाचा असणारा मुद्दा म्हणजे ४० टक्के घरपट्टी कर सवलत आणि सावकारी व्याजात कपात या दोन मुद्द्यावरून पुणे काँग्रेसने राज्य सरकारला घेरण्याची योजना आखली आहे.

४० टक्के घरपट्टी कर सवलत आणि सावकारी व्याजात कपात असे मुद्दे समोर काँग्रेस प्रतीकात्मक आंदोलन पुकारणार आहे. पुण्यातील तुळशीबोगत असणाऱ्या राम मंदिरात ही आरती करण्यात येणार आहे. बुधवारी १२ एप्रिल रोजी, सकाळी १०.०० वाजता ही आरती करण्यात येणार आहे.

काँग्रेसचे पुण्यातील पदाधिकारी संजय बालगुडे यांच्या नेतृवाखाली हे प्रतिकात्मक आंदोलन पार पडणार आहे. या आंदोलनात पुणेकर नागरिकांनाही उपस्थित राहण्याचे, आवाहन करण्यात आलेले आहे. यामुळे आता आगामी महापालिकेच्या निवडणुका लक्षात घेऊन सर्वच पक्षांमध्ये सक्रियता वाढली आहे.

काय आहे ४० टक्के कर सवलत?

पुणे महापालिका हद्दीत मिळकत करात पुणेकरांना देण्यात येणारी ४० टक्के सवलत कायम ठेवावी, अशी मागणी पुणेकरांकडून केली जात आहे. शिवाय देखभाल दुरुस्ती खर्च १ एप्रिल २०१० पासून १५ टक्क्यांहून १० टक्के फरकाची रक्कम मिळकतींकडून वसूल करण्यात येऊ नये, अशीही मागणी होताना दिसत आहे.