Threat to CM Eknath Shinde : मुख्यमंत्री एकनाथ शिंदेंना धमकी देणारा पुणे पोलिसांच्या ताब्यात !

Pune News : राज्याचे मुख्यमंत्री एकनाथ शिंदे (Eknath Shinde) यांना जीवे मारण्याच्या धमकीचा कॉल आल्याची धक्कादायक बातमी समोर येत आहे. पुण्यातल्या वारजे परिसरातून हा फोन आल्याची माहिती आहे. गेल्या काही दिवसांपासून असे धमकीचे कॉल अनेक राजकीय नेत्यांना आले होते. मुख्यमंत्र्यांना धमकी दिल्याप्रकरणी आता एका संशयिताला ताब्यात घेण्यात आले आहे.

मुख्यमंत्री एकनाथ शिंदे धमकी प्रकरणी संशयिताला घेतलं पुणे पोलिसांनी घेतले ताब्यात घेण्यात आले आहे. या व्यक्तिने दारूच्या नशेत धमकिचा कॉल केल्याची शक्यता वर्तवण्यात आली होती. पोलिस याची आता चौकशी करत आहेत.

या धमकीच्या कॉल मध्ये धमकी देणाऱ्या कॉलरने सांगितले आहे की, मी मुख्यमंत्र्यांना उडवणार. सोमवारी सायंकाळी हा कॉल आला होता. कॉलरने ११२ या नंबरवर कॉल केला होता. नागपूरच्या कंट्रोल रूममध्ये हा कॉल केला. यानंतर आता या धमकी देणाऱ्याला पुणे पोलिसांनी ताब्यात घेतल्याची माहिती मिळत आहे. (Latest Maharashtra News)

यापूर्वीही मुख्यमंत्र्यांना जीवे मारण्याच्या अनेकदा धमक्या आल्या आहेत. मात्र हा कॉल नागपूरमध्ये कंट्रोल रूमवर आल्याची माहिती समोर आली आहे. पोलिस याबाबत तातडीने तपास सुरू केल्यानंतर, आरोपील ताब्यात घेतल्याचे समजते. (Political Breaking News)