Pune Hit And Run Case Update : डॉ. तावरे, हाळनोरच्या डोक्यावर निलंबनाची टांगती तलवार; पोलिसांचा प्रस्ताव तयार

Pune Porsche Car Accident : कल्याणीनगर येथील अपघातातील अल्पवयीन आरोपीच्या रक्ताचे नमून बदलून रिपोर्टमध्ये फेरफार केल्याप्रकरणी ससून हॉस्पिटलमधील डॉ. अजय तावरे आणि डॉ. श्रीहरी हाळनोर यांना अटक केली आहे. त्यांच्यावर निलंबन होण्यासाठी आवश्यक असलेली पोलिस कारवाई झालेली आहे. या कारवाईचा अहवाल पोलिसांमार्फत वैद्यकीय शिक्षण विभागाला पाठवण्यात येणार आहे. त्यामुळे या दोन्ही डॉक्टरांचे निलंबन होण्याची शक्यता वर्तवली जात आहे. Pune Hit And Run Case Update

गेल्या आठवड्यात पुण्यात हिट अॅण्ड रन प्रकरणाची Pune hit and run case देशभर चर्चा सुरू असून राज्यातील राजकीय वातावरण पूर्णपणे ढवळून निघाले आहे. अपघात झाल्यानंतर यातील अल्पवयीन आरोपीला वाचवण्यासाठी त्याचे वडील विशाल अगरवाल, आजोबा सुरेंद्र अगरवाल यांच्यासह स्थानिक आमदारानेही प्रयत्न केल्याचा आरोप आहे. तसेच या प्रकरणी पोलिसांवर राजकीय मोठा दबाव असल्याचीही चर्चा होती. त्यातून पोलिसांनी आरोपींना व्हिआयपी ट्रिटमेंट दिल्याचे बोलेले जाते.

अपघातानंतर पोलिसांनी कर्तव्यात कसूर केला. प्रकरण गंभीर असूनही वरीष्ठांना माहिती देण्यास टाळाटाळ केली. तसेच आठ तासांनंतर आरोपीला वैद्यकीय तपासणीसाठी ससून रुग्णालयात नेण्यात आले. यावर पोलिसांवर संशय आल्याने आरोपीच्या रक्ताचे नमूने तपासणीसाठी ससूनला पाठवले. मात्र ते रक्ताचे नमूने बदलून अहवाल बदलण्यासाठी वडील विशाल अगरवाल Vishal Agarwal यांनी डॉ. होळनोर याला तीन लाखांची लाच दिली. तसेच सुटीवर असतानाही डॉ. तावरेने होळनोरला अहवालात फेरफार करण्यास सांगितले.

(राजकारणातील महत्त्वाच्या बातम्यांचे अपडेट्ससाठी सरकारनामाचे अधिकृत WhatsApp चॅनल फॉलो करा!)

ही बाब समोर येताच या दोन्ही डॉक्टरांना पोलिसांनी अटक केली.आता चौकशीनंतर डॉ. अजय तावरे आणि डॉ. श्रीहरी हाळनोर या दोघांचे निलंबन करण्यासाठीचा अहवाल वैद्यकीय शिक्षण विभागाला पोलिसांमार्फत बुधवारी पाठवण्यात येणार आहे. दरम्यान, या प्रकरणी आमदार रवींद्र धंगेकरांनी Ravindra Dhangekar वैद्यकीय शिक्षणमंत्री हसन मुश्रीफ यांच्यावरही गंभीर आरोप केले आहे. त्यामुळे आता या अहवालावर संबंधित विभागाकडून काय निर्णय घेतला जातो याकडे लक्ष लागले आहे.

(Edited by Sunil Dhumal)