Pune News: पुणे रेव्ह पार्टी प्रकरणात राष्ट्रवादी काँग्रेस शरदचंद्र पवार पक्षाचे नेते, माजी मंत्री एकनाथ खडसे यांनी पोलिस यंत्रणेवर विविध प्रश्नचिन्ह उपस्थित करीत संताप व्यक्त केला. पोलिसांनी आमच्या कुटुंबियाचे व्हिडिओ, फोटो का व्हायरल केले, हा अधिकार पोलिसांना कुणी दिला, असा जाब एकनाथ खडसे यांनी पोलिस प्रशासनाला विचारला. या प्रकरणी मी पुणे पोलिसांच्या विरोधात अब्रुनुकसानीचा दावा दाखल करणार असल्याचे खडसे म्हणाले.
माझ्या जावयाने आयु्ष्यात कधीही ड्रग्ज घेतलेले नाही. त्या पार्टीत ड्रग्ज आढलेले नाही, या पार्टीला रेव्ह पार्टी म्हणायचं का? रेव्ह पार्टीची व्याख्या काय? असा सवाल खडसे यांनी पोलिसांना केला.ड्रग्ज सेवन केले होते की नाही याचा अहवाल अद्याप आलेला नाही, त्यानंतर समजेल माझे जावई प्रांजल खेवलकर यांनी ड्रग्ज घेतले होते की नाही.
पोलिसांनी आमच्या कुटुंबियांचे फोटो व्हायरल केले, त्यांना हा अधिकार कुणी दिला, असे खडसे म्हणाले. गुन्हा दाखल करताना प्रांजल खेवलकर यांच्यावर एक क्रमांकाचा गुन्हा का दाखल केला, वैद्यकीय अहवाल माध्यमामध्ये कसा आला, असे अनेक प्रश्न खडसे यांनी पत्रकार परिषदेत उपस्थित केले.
या पार्टीत संगीत नाही, आदळआपट नाही, डान्स नाही, घरात सात जण बसलेले होते, याला रेव्ह पार्टी म्हणायची का? पोलिसांना ज्या ज्या ठिकाणी ही कारवाई केली. त्याचे व्हिडिओ त्यांनी व्हायरल केले, निव्वळ बदनामी करण्याचा हा प्रयत्न आहे. महिला, पुरुषांचे चेहरे दाखवले गेले, असे खडसे म्हणाले.
प्रांजल खेवलकर यांच्यावर कुठलेही गुन्हे दाखल नाही, तरीही पोलिसांनी त्यांच्यावर गुन्हे दाखल असल्याचे सांगितले. अमली पदार्थ एका महिलेच्या पर्समध्ये सापडला, असे पोलिसांनी सांगितले. त्या महिलेला प्रथम क्रमांकाचा आरोप केला पाहिजे पण येवलकर यांना पहिल्या क्रमाकांचा आरोपी केले आहे. त्यांना साक्षीदार करायला पाहिजे होते. यातील दोन आरोपींनी अल्कोहोल सेवन केल्याचा अहवाल ससून रुग्णालयाने दिला आहे, हहा अहवाल पोलिसांना माध्यमांना का दिला, असा प्रश्न खडसे यांनी उपस्थित केला.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.