परभणी : जिल्हा मध्यवर्ती सहकारी बॅंकेच्या विमा घोटाळ्याचा आरोप असलेले जिंतूरचे माजी आमदार रामप्रसाद बोर्डीकर यांच्यावर घातलेली परभणी शहर बंदी उठविण्यात आली आहे.
परभणी जिल्हा मध्यवर्ती सहकारी बॅंकेच्या शेतकरी विमा घोटाळ्यात माजी आमदार रामप्रसाद बोर्डीकर यांच्यावर आरोप आहेत. या प्रकरणाचा निकाल अद्यापही न्यायालयात प्रविष्ठ आहे. गेल्या काही वर्षापासून रामप्रसाद बोर्डीकर यांना परभणी शहरात बंदी घालण्यात आली होती.
परभणी शहरात आणि जिल्हा मध्यवर्ती सहकारी बँकेच्या मुख्यालयात त्यांना प्रवेश करता येत नव्हता . त्यामुळे ते गेल्या काही दिवसापासून शहराच्या राजकारणात सक्रीय नव्हते.
पाच दिवसापूर्वी त्यांना परभणी शहरात जाण्याची परवनगी न्यायालयाकडून मिळाली आहे. त्यामुळे बोर्डीकरांना परभणी येता आले आहे . रामप्रसाद बोर्डीकर प्रदीर्घ काळ काँग्रेसमध्ये राहिलेले आहेत मात्र सध्या ते भाजपमध्ये दाखल झालेले आहेत . सध्या ते भाजपच्या 'मेरा बुथ सबसे मजबूत' अभियानात सक्रिय झाले आहेत .
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.