मुख्यमंत्र्यांच्या होम पिचवर राडा; विचारे, दिघे अन् शिंदेंचे कार्यकर्ते भिडले; पोलिसांचा लाठीचार्ज!

ठाणे : शिवसेना ठाकरे गट आणि शिंदे गट यांच्यामध्ये पुन्हा एकदा तूफान राडा झाला आहे. वागळे इस्टेट या भागात किसननगर येथे ठाकरे आणि शिंदे गटाच्या कार्यकर्त्यांमध्ये वाद विवाद झाला होता. या वादाचे रूपांतर राड्यामध्ये झाले. दोन्ही गटांकडून श्रीनगर येथील पोलीस ठाण्यात तक्रारी नोंदवण्यात आले. दोन्ही गट समोरासमोर आल्याने परिस्थिती तणावाखाली होती. यावेळी पोलिसांकडून लाठीचार्जही करण्यात आला.

शिवसेना ठाकरे गट आणि शिंदे गट यांच्यामध्ये पुन्हा एकदा तूफान राडा झाला आहे. वागळे इस्टेट या भागात किसननगर येथे ठाकरे आणि शिंदे गटाच्या कार्यकर्त्यांमध्ये वाद विवाद झाला होता. या वादाचे रूपांतर राड्यामध्ये झाले. दोन्ही गटांकडून श्रीनगर येथील पोलीस ठाण्यात तक्रारी नोंदवण्यात आले. राडा घडून आला त्यावेळी ठाकरे गटाचे खासदार राजन विचारे, शिवसेनेने ठाणे जिल्हाप्रमुख केदार दिघे हे देखील तेथे हजर होते. दोन्ही गट समोरासमोर आल्याने परिस्थिती तणावाखाली होती. यावेळी पोलिसांकडून लाठीचार्जही करण्यात आला.

दोन्ही गटात वाद निर्माण झाल्याने यावेळी कार्यकर्ते एकमेकांच्या अंगावर गेले. दोन्ही गटाचे कार्यकर्ते यावेळी जखमी झाले. विचारे आणि दिघे यांनी यावेळी कार्यकर्त्यांना बाहेर काढले. यावेळी पोलिसांचा फौजफाटा दाखल झाला.

राजन विचारे यांनी हद्दीतील श्रीनगर पोलीस ठाणे या ठिकाणी हजेरी लावली. शिंदे गटाचे नेते व ठाणे शहरप्रमुख नरेश म्हस्के हे देखील पोलिस ठाण्यात दाखल झाले. यावेळी दोन्ही गटांकडून एकमेकांविरोधात तक्रारी नोंदवेलो. तक्रारीनुसार दोन्ही गटांविरूद्ध गुन्हा दाखल करण्यात आला. यानंतर पोलिस ठाण्याबाहेरही दोन्ही गटाचे कार्यकर्ते समोरासमोर आले, यामुळे तणावाची परिस्थिती निर्माण झाली होती.