Epstein Files: एपस्टिन फाईलमध्ये नाव अन् महिलांसोबत फोटो, अडचणीत आलेल्या बिल गेट्स यांची पहिली प्रतिक्रिया समोर, म्हणाले,'मी एक गंभीर चूक...'

Bill Gates News: मागील काही दिवसांपासून कुख्यात अमेरिकन गुन्हेगार जेफ्री 'एपस्टीन फाईल'शी संबंधित कागदपत्रे,फोटो आणि इतर माहिती सार्वजनिक करण्यात आल्यानंतर जगभरात मोठी खळबळ उडाली आहे. या फाईल्समध्ये नाव आल्यानं जागतिक पातळीवरील राजकीय नेते, उच्च पदस्थ अधिकारी, उद्योगपती यांच्यासह अनेक बडे लोक अडचणीत सापडले आहेत. त्यात जेफ्री एपस्टाईन फाईल्समध्ये प्रसिद्ध उद्योगपती मायक्रोसॉफ्टचे संस्थापक बिल गेट्स यांचंही नाव आणि महिलांसोबतचे फोटो समोर आल्यानं जगभरात मोठा धक्का बसला होता.

जेफ्री एपस्टाईन फाईल्समध्ये नाव आणि फोटो समोर आल्यानंतर पहिल्यांदाच प्रसिद्ध उद्योगपती मायक्रोसॉफ्टचे संस्थापक बिल गेट्स यांनी आपली प्रतिक्रिया दिली आहे. त्यांनी टाउन हॉल बैठकीदरम्यान, मोठी कबुली दिली आहे. त्यात ते म्हणतात,मी एक गंभीर चूक केली आहे. एपस्टाईनसोबत वेळ घालवणे आणि फाउंडेशनमधील वरिष्ठ अधिकाऱ्यांशी त्यांची ओळख करून देणे ही आयुष्यातील सर्वात मोठी चूक असल्याचं त्यांनी सांगितलं.

बिल गेट्स म्हणाले, एपस्टाईन फाइल्समध्ये उल्लेख केलेल्या रशियन महिलांसोबत आपले वैयक्तिक अन् प्रेमसंबंध असल्याचेही त्यांनी मान्य केलं आहे. या नात्यांचा एपस्टाईन फाईल्समधील पीडितांशी कोणताही संबंध नसल्याचंही त्यांनी स्पष्ट केलं आहे.

वॉल स्ट्रीट जर्नल (डब्ल्यूएसजे) ने दिलेल्या वृत्तात गेट्स यांनी त्यांच्या कर्मचाऱ्यांची माफी मागितल्याचं म्हटलं आहे, तसेच त्यांचे रशियन महिलांशी दोन संबंध होते, ज्याबद्दल एपस्टाईनला नंतर कळल्याचंही नमूद केले. त्याचवेळी गेटस् यांनी दिवंगत फायनान्सरच्या संदर्भात "मी काहीही बेकायदेशीर केले नाही. मी काहीही बेकायदेशीर पाहिले नसल्याचा खुलासाही केला आहे.

बिल गेट्स यांनी त्यांच्या चॅरिटेबल फाउंडेशनच्या कर्मचाऱ्यांसोबत झालेल्या बैठकीत संबंधित कृतींची जबाबदारी घेतली. यावेळी त्यांनी दोषी ठरलेल्या लैंगिक गुन्हेगार जेफ्री एपस्टाईनशी असलेल्या त्यांच्या संबंधांवर चर्चा केली. अनेक प्रश्नांची सविस्तर उत्तरे दिल्याचंही सांगितलं आहे.

एपस्टाईन फाईल्समुळे जगभरातील बड्या लोकांची झोप उडाली आहे. यात बिल गेट्स यांचेही नाव समोर आले आहे. प्रसिद्ध उद्योगपती मायक्रोसॉफ्टचे संस्थापक बिल गेट्स यांचं नाव आणि महिलांसोबतचे फोटो जेफ्री एपस्टाईन फाईल्समुळे जगातील बडे लोक अडचणीत सापडले आहेत.